Kɛwɔlɛnu 5:5 - ALLALA KUMƐ

⁵ Ananayasi ya wo lamɔɛn nkɛkuna, a buira. A niyi bɔra. Min bɛɛ ya wo lamɔɛn, wonu kilanta kati!

Kɛwɔlɛnu 5:5 Iomraidhean Croise

2 Mansɛnu 2:24

Nɛbi Ilaisa ya a tintan ka a yɛ wuya a rɔ. Wo kɔma, a ya anu danka Mari tɔgɛ rɔ. Tiriyante wo rɔ, sogo-ferema fila bɔra anu burila firɛ rɔ ka na kemini-mɛsɛ mɔgɔ bi-nani ani mɔgɔ fila (42) mafarafara.

1 Ko-Kɔrɔta-Karan 13:12

Wo ya a ma, Mansa Dawuda kilanta Alla la. A ya a fɔ ko, “Nde si ta tɔn-kenkirɛ kɛ la n barɛ kama kɛ rɔ?”

1 Ko-Kɔrɔta-Karan 15:13

Ni i ya a yen, mata Mari Alla diminyara ma ma a fɔlɔtɛ kɛ nun bawo ma ma a bato a kilɛ fɛ, ado wole ma tɔn-kenkirɛ duni.”

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 64:9

Anu si kilan dɔgɔma-ma-de! Anu si anu miri Alla kɛ-nya ma ka a wara-koe rakaran.

Yɛrɛmaya 5:14

Woletɔ Mari Sɛnbɛ-Bɛɛ-Tigi ko wole, Yuda mɔgɛnu bi a fɔla ko a sa wo tɔrɔla. Woletɔ a ko a ye kumɛ minnu donna nde, Yɛrɛmaya da rɔ, wonu bi mala le iko tɛ, ado wo le manɛ iko tɛ siginɛ sɔgɔ-kundi min na.

Isikiyɛli 11:13

N bi wɔlɔyiya-kumɛ kɛ kun na, Bɛnayala den Pɛlataya fagara kuren! N ya n naburun a ma dugi ma ka n dɛ sa-a-rɔ. N ko, “E, n Tigi Mari! Isirɛla mɔgɛ toenu nato-sɔgɛ ye i la, wa?”

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Kɛwɔlɛnu 13:11

Nba, Mari kɔɛn si kɛ i ma kaka! I si fiyonya. A si mɛ doni, i ti fenfen yen.” Tiriyante wo rɔ, Ɛlimasi yɛ lapinpira. A ya a bole mɛmɛ ka mɔgɛ do nyini alako wo ni a bole bira.

Kɛwɔlɛnu 2:43

Yisata kilayɛ wonu ya kabana-ko-siyaman anubɛ tamasere-siyaman kɛ min ya a ma, mɔgɛ bɛɛ kawara.

Kɛwɔlɛnu 5:13

Hali anu gbiliyanɛ nyama bolo, mɔgɔ-wo-mɔgɔ ma sisi a madonna anu na kilan bolo.

1 Kɔrɛnti 4:21

Wo ye nyinina nfen ma? N ni na bosɛ la n bolo wo wara, ka, n ni na keninteyɛ anubɛ diyanayɛ le la wo wara?

2 Kɔrɛnti 13:10

Yanni n ni ke nyɔ, n bi koe kɛnu sɛbɛla wo ma. Woletɔ n ba ke nyɔ tumɛ min, n kana a lagbɛlɛya wo kuma. Mari ya sɛnbɛ min di n ma, n bi wo lawɔlila ka wo lasabati kɔnɔ wo labui ko ma de!

2 Kɔrɛnti 13:2

Nna kɔndɔli fila nyɔgɛ rɔ, n ya hakɛ-tiginu makawandi nun, ado n sa wo fɛ kaka min kɛ, n bi a fɛ ka wobɛ doinu fanan makawandi. N ba ta tun tumɛ min, n si a lagbɛlɛya mɔgɛ bɛɛ kuma.

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

Tɔn-Fɔɛ-Fila-Nyɔgɛ 13:11

Ni wo sɔnta mɔgɔ-sufa wo mabonna, Isirɛla mɔgɛ toenu ba wo lamɔɛn tumɛ min, anu si kilan kɛwuya-su wo ladanna anu ta-nyɔgɛnu na wo rɔ.

Tɔn-Fɔɛ-Fila-Nyɔgɛ 21:21

Kei minnu bi soe wo burɔ, wonu si dan wo bi ka a mabon kuri la ha a ni faga. Ni wole Isirɛla mɔgɛnu ya wo ma, wo si karagbɛlɛyɛ ban wo tɛma wola nyamanɛ rɔ. Ni Isirɛla mɔgɔ-wo-mɔgɔ ya ko-sufa kɛ lamɔɛn wo tɛma, wo tigi si kilan.”

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”

Lankɛnimayɛ 11:13

Dugu-yɛrɛyɛrɛn-ba kɛra wati wo nyɛrɛ rɔ. Soe wo faranɛ sigi tina tan na, wo sigi tina kelan halakira. Mɔgɔ waga wɔrɔnfila (7,000) fagara dugu-yɛrɛyɛran wo bolo. Mɔgɔ-toenu kilanta kosɛbɛ! Anu ya Alla tanto min bi mansayɛ kɛla Arinyɛni tɔ.

Lankɛnimayɛ 11:5

Ni mɔgɔ-wo-mɔgɔ ye a fɛ ka nɛbi wonu tɔrɔ, tɛ si bɔ nɛbi wonu da rɔ ka anu yogenu halaki. Ni nɛbi wonu tɔrɔ-sɔgɛ ya mɔgɔ-wo-mɔgɔ bira, wonu tigi si halaki tɛ la min bi bɔla nɛbi wonu da rɔ.