Kɛwɔlɛnu 5:41 - ALLALA KUMƐ

⁴¹ Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Kɛwɔlɛnu 5:41 Iomraidhean Croise

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 65:14

Ata wɔli-kɛlɛnu si to a lawɔyɔla sewɛ bolo ka a tɛgɛ ko-nyimɛ min bi anu sɔndɔmɛ rɔ. Kɔnɔ wole karagbɛlɛnu ya-denkɛnu ta ti gbala yisi-tinya bolo. Wole karagbɛlɛnu si wo dɛ sa-a-rɔ lungbɔn!

Aiseya 66:5

Wole min bi Marita kumɛ birala, wo ni wo tole masɔ a kan la. A ko wo gboyara wo na-kelen-nyɔgɛnu ye. Anu wulita wo kan ma bawo wo bilanɛ ale Mari fɛ. Anu bi wo rasɛ-kumɛnu fɔla ko, “Nba, alamɛ ata fanka ya wo lakisi, woletɔ ma si to wo sewanɛ yenna.” Kɔnɔ Mari ko fɔ mɔgɔ-mayɛlɛnnɛ kɛnu ba tɔrɔ le serr!

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Yɔni 15:21

Kɔnɔ anu si koe kɛ bɛɛ ma wo la bawo ntɛ le wole la, ado ale min ya nde sɔ, anu ma wo lɔn.

Kɛwɔlɛnu 21:13

Kɔnɔ Pɔli ya anu manyinika ko, “Wo ye dila nfenna? Wo ye n yisi le tinyana wo la! Ka a fɔ ko anu ni n kiri Yerusalɛm, n tabɛnnɛ wola ko la. Hali anu ba n faga Mari Yisala ko la, tana ma wo la.”

Kɛwɔlɛnu 5:21

Kilayɛ wonu sɔnta. Banda-ka-dɛ ma, anu donta Alla-Bato-Bɔn la ka mɔgɛnu-karan dabira. Saraka-masɔla-kun-tigi-wɛ anubɛ a ta-nyɔgɛnu ya Yahudiya mɔgɔ-banu kele anuta ladɛn kuma. Wo kɔma, anu ya sarakanɛ lata yele-kandannɛ ma ko a ni kilayɛ wonu nana anu ma.

Romu 5:3

Nba, ma sewanɛ fanan mala tɔrɔyɛnu tɔ bawo ma ya a lɔn ko tɔrɔyɛ si ma labila dinyɛ ma.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

Filipai 1:29

Wo ara fɛrɛ sɔrɔn ka dɛnkɛninya Kirasiti ma. Kɔnɔ a ma dan wo dɔrɔn ma. Wo ara fɛrɛ sɔrɔn ka tɔrɔ fanan ala ko la.

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Yemesi 1:2

N na-kelen-nyɔgɛnu Kirasiti rɔ, wo wa don kɔrɔbɔli-subolo-siyamɛ rɔ tumɛ min, wo ni wo bɛɛ lɔn sewɛ la.

3 Yɔni 1:7

bawo anu wulita anuna tagama rɔ tumɛ min Kirasiti tɔgɔ rɔ, anu hɛnkili sa dɛnbɛni-ko ma wo bolo, ado anu ma fenfen bɔ dɛnkɛninyabɛlɛnu bolo.