Kɛwɔlɛnu 5:4 - ALLALA KUMƐ

⁴ Yanni i ni ila dugi feri, itɛ le nun. I banta a ferila tumɛ min, itɛ le wodi wo la nun. Kɔnɔ nfenna i ya a latɛgɛ i yisi rɔ ka kɛ ko sifa ma? I ma foninyɛ fɔ mɔgɛ ye. I ya foninyɛ fɔ Alla le ye!”

Kɛwɔlɛnu 5:4 Iomraidhean Croise

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

1 Ko-Kɔrɔta-Karan 29:3

Wo bɛɛni-ata, n bara sɛnɛnu anubɛ wodi-gbɛnu bɔ n gbu rɔ ka a kofu doi kɛnu ma Bato-Bɔn sɔ-koe rɔ. N ya wo ma le bawo Allata Bɔn kɛ di n ye kati!

1 Ko-Kɔrɔta-Karan 29:5

N ya wo bɛɛ labɔ alako boloma-wɔli-kɛlɛnu ni Bato-Bon-miran donu nadan wonu na fanan. Nde ara min di Marita wɔlɛla ko la, wo le kɛnu na. Ni min bi a fɛ ka atɛ di Mari ma, awa, wo si atɛ di.”

1 Ko-Kɔrɔta-Karan 29:9

Mɔgɛnu sewanɛ ya fan wonu nabɔ Marila wɔlɛla ko la. Anu dama ya a yen min kɛ ko fen-siyamɛ wo nyɔgɔn bara bɔ, anu dama sewara anubɛ anuna mansɛ.

Yobu 15:35

Mɔgɛ wola miriya si buri ko-yogoma-kɛ rɔ tiriya! Anu yisi lafanɛ yanfanteyɛ la.

Yaburi 139:4

Mari, yanni kumɛ ni bɔ n da rɔ, i ya a lɔn n bi min fɔla.

Yaburi 7:14

Wo ara a yen, mɔgɔ-yogomɛnu si buyi bi karagbɛlɛyɛ la, ko-yogomɛ ni to koloyala a burɔ, a si muin tɔrɔyɛ anubɛ yanfanteyɛ la mɔgɛnu ye.

Bɔ-Koe-Iyipiti 16:8

Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Makawandili Kumɛnu 5:5

Ni i ti ke lanyiri latɔnbagayala, hali i ma a kiri nun.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Isikiyɛli 38:10

N Tigi Mari ya min fɔ Mansa Kɔgi ye, wo le kɛ la. A ko wati ye kela, ale Kɔgi si a miri ko-yogomɛnu denu ma ka yanfɛ rabɛn.

Yilan-Yilan Koe 16:11

Ni wo ya gbunya-kumɛ fɔ Aruna ma, wo ma a fɔ Aruna dɔrɔn ma de! Wo ya a fɔ Mari nyɛrɛ le ma ken!”

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Kɛwɔlɛnu 5:3

Pita ya a fɔ a ye ko, “Ananayasi, nfenna i wara sɔn ko Setanɛ ni don i yisi rɔ? I ya ila dugi feri min nyɔgɔn na, i ya do bɔ wodi wo la ka a lamara i nyɛrɛ ye, ado i ye foninyɛ le fɔ tinɛ Allala Ni-Sɛnimɛ ye wo la.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

1 Kɔrɛnti 8:8

Ma ti ke Alla hɛnɛna dɔn-fen dɔn-koe la. Ni ma ma a dɔn, wo ti ma bɔnɔ fenfen tɔ. Ni ma ya a dɔn fanan, ma ti tɔnɔ-wo-tɔnɔ sɔrɔn wo rɔ.

1 Tɛsalonaika 4:8

Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

Failiman 1:14

N sa a fɛ ka i fɔrɔsɛ ko fɔ i ni n dɛnbɛ. N bi a fɛ ko i ni a kɛ i nyɛrɛ sako la. Woletɔ n ti ko-wo-ko kɛ fɔ i wa sɔn.

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.