Kɛwɔlɛnu 4:1 - ALLALA KUMƐ

¹ Pita anubɛ Yɔni ye kumala mɔgɛnu ye tumɛ min, saraka-masɔlɛ donu wo, Alla-Bato-Bɔn makandanna kun-tigi wo, anubɛ Sadusi donu nara anu bara.

Kɛwɔlɛnu 4:1 Iomraidhean Croise

Matiyu 16:12

Wo kɔma, ala karan-dannu bara a nya-yen de gbɛ ko a sa kumala biredi-yɛlɛ-fan wara-koe la, fɔ anu ni a ma anu fɛrɛma Farisi anubɛ Sadusinuna karanla ko la.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Matiyu 27:20

Saraka-masɔla-wɛnu anubɛ Yahudiya-kɛmɔgɛnu ya a lagbɛlɛya nyama kuma ko anu ni Pailɛti manyinika Barabasi boloka-koe ma ka ale Yisa faga.

Matiyu 27:41

Saraka-masɔla-wɛnu anubɛ tɔn-karan-mɔgɛnu anubɛ Yahudiya-kɛmɔgɛnu fanan ya a mayɛlɛn wo nya le.

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 22:4

Wo le ya a ma, ale Yudasi tara kuma saraka-masɔla-wɛnu anubɛ Alla-Bato-Bon-makandannɛnuna kun-tiginu na. A ye a fɛ ka a lɔn a si Yisa don anu bolo nya min.

Yɔni 15:20

N bara min fɔ wo ye, wo ni wo yili to wo ko. N ko yɔɔn-wo-yɔɔn sa nyɔ min tenbira a tigi la. Ni anu ya a lagbɛlɛya nde kuma, anu si a lagbɛlɛya wole fanan kuma. Ni anu ya nta kumɛ bira nun, anu si wole fananta kumɛ bira.

Yɔni 18:3

Woletɔ Yudasi tara ki-fan wonu kɔrɔ. Saraka-masɔla-wɛnu anubɛ Farisinu ya Alla-Bato-Bɔn kandannɛnu anubɛ kɛlɛ-dan donu nata a fɛ. Anu tara lɛnpunu anubɛ kala-mɛlannu na anu bolo. Anu tara kɛlɛ-kɛ-mirannu na anu bolo fanan.

Kɛwɔlɛnu 4:6

Saraka-masɔla-kun-tigi-wɛ min tɔgɛ Anasi wo, Kayifasi wo, Yɔni wo, Alɛsanda wo, anubɛ a saraka-masɔ-kun-tigi na-kelen-nyɔgɔ doi wo, wonu fanan bi anu tɛma.

Kɛwɔlɛnu 5:17

Nba, keliyɛ wulita saraka-masɔla-kun-tigi-wɛ anubɛ a ta-nyɔgɔ Sadusinu na Marita kilayɛnuna ko la ha ka a dan natenbi. Woletɔ anu ya a latɛgɛ ko anu ni wuli wonu kan ma.

Kɛwɔlɛnu 5:24

Alla-Bato-Bon-makandannɛnuna kun-tigi anubɛ saraka-masɔla-wɛnu ya wo lamɔɛn tumɛ min, anu kɔndɔfilita. Anu ma a lɔn ni min bara ma kilayɛ wonu na.

Kɛwɔlɛnu 5:26

Woletɔ anuna kun-tigi anubɛ a kandanna-nyɔgɛnu tara kilayɛ wonu bi tinɛ. Kɔnɔ anu ma wo kɛ fɔrɔsɛ la de bawo anu dama kilannɛ nun ko mɔgɛnu kana anu denu mabon kuri la.

Kɛwɔlɛnu 6:12

Anu ya kuma kelan wo fɔ mɔgɔ-banu anubɛ tɔn-karan-mɔgɛnu anubɛ mɔgɛ donu ye. Woletɔ anu nara Sitifen bira tinɛ ka ta a la kun-tiginu bara.

Kɛwɔlɛnu 6:7

Woletɔ Allala kumɛ tora nyɛnsɛnna. Karan-dannu yatɛ siyayara Yerusalɛm ha ka siyaya. Hali saraka-masɔlɛ siyaman dɛnkɛninyara.