Kɛwɔlɛnu 3:16 - ALLALA KUMƐ

¹⁶ Wo ya kabana-koe min yen kɛ, wo kɛra dɛnkɛninyɛ fɛ ale Yisa tɔgɛ rɔ. Ale Yisa tɔgɛ le ara sɛnbɛ di kei kɛ ma. Ala dɛnkɛninyɛ Yisa ma, wo le ya a ma, wo bɛɛ ye a kɛndɛyanɛ yenna.

Kɛwɔlɛnu 3:16 Iomraidhean Croise

Matiyu 14:29

Nba, Yisa ya a fɔ a ye ko, “Na!” Woletɔ Pita bɔra kulɔn rɔ. A ya tagama dabira yi kuma ka ta Yisa wara.

Matiyu 9:22

Yisa ya a tintan tumɛ min, a ya ale musi yen. A ya a fɔ a ye ko, “N na, i yisi ni kimɛ! Ila dɛnkɛninyɛ ara i lakɛndɛya.” Musi wo kɛndɛyara wati kelan wo kɔrɔ tiriya!

Yɔni 14:12

“N bi tonyɛ fɔla wo ye, min ba dɛnkɛninya nde ma, n bi kɛwɔli minnu kɛla, wo tigi fanan si wonu kɛ, ado a si donu kɛ minnu kolo kɛnu ko bawo n bi tala n Fa Alla warɛ.

Yɔni 7:23

Ni wo ya bilakore do lakemininya Sulen-Tele ma alako Musata tɔn kana tinya, nfenna wo ye diminyala nde ma ko n bara kei do lakɛndɛya Sulen-Tele ma?

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

Kɛwɔlɛnu 16:18

A tora wo mala tele siyaman kɔrɔ ha a wara-koe ya Pɔli tɔrɔ. A ya a tintan ka a fɔ nyinɛ ma ko, “Mari Yisa tɔgɛ rɔ, bɔ a fɛ!” Nyinɛ wo bɔra a fɛ kelenna!

Kɛwɔlɛnu 3:6

Kɔnɔ Pita ya a fɔ a ye ko, “Wodi sa n bolo kɔnɔ min bi n bolo, n si wo di i ma. Yisa Nasarɛti kɛ, Allata-Mɔgɔ-Yabɔnɛ tɔgɛ rɔ, i lasɔ. I ni tagama!”

Kɛwɔlɛnu 3:8

A ya a lasɔ kelenna ka tagama dabira. Wo kɔma, a donta Alla-Bato-Bɔn la anu fɛ. A ye tagamana. A ye a gbanna. A ye Alla tantola a kulu-mayɛlɛnɛ la.

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.

Kɛwɔlɛnu 4:30

I ni i kɔɛn rasagan ka lakɛndɛyalɛ kɛ. I ni sɔn ko kabana-koenu anubɛ tamaserenu ni kɛ ila wɔli-kɛla-sɛnimɛ Yisa tɔgɛ rɔ.”

Kɛwɔlɛnu 4:7

Anu ya Pita anubɛ Yɔni lasɔ anu yakɔrɔ ka anu manyinika ko, “Wo ya kɛ ma kama? Nfen sɛnbɛ ye wo bolo kɛ? Wo ya a ma yon tɔgɛ rɔ?”

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

1 Kɔrɛnti 13:2

Hali kawandili-bɔ-sɛnbɛ dira n ma ka lɔnnɛ bɛɛ sɔrɔn ka gbundu-koe bɛɛ lɔn, ni wo ma, dɛnkɛninyɛ ni wara n bolo ha ka kɔnkɛnu bɔ anu gbɛ rɔ, ni keninteya sa n yisi rɔ, fenfen ma n na.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.