Kɛwɔlɛnu 27:3 - ALLALA KUMƐ

³ Wo banda kɛ, ma kera Saidon soe burɔ. Kɛlɛ-Den-Kun-Tigi Yuliya ya ko-nyimɛ kɛ Pɔli ye. A sɔnta ko a ni ta a diyana-mɔgɛnu kɔndɔn tinɛ alako anu ni a makoenu nyinya.

Kɛwɔlɛnu 27:3 Iomraidhean Croise

Ko-Dabirɛnu 10:15

Hamala den Kenan wo ya den mɔgɔ fila sɔrɔn, ala den-kei-sarɛ Sadon anubɛ Hɛti.

Ko-Dabirɛnu 49:13

“Ile Sɛbulɔn, i bɔnsɔn si sigi kɔgɔ-yi dafɛ. Nyɔ si ma kulun nasɔ tinɛ la. Ita nyamanɛ si ta fɔɔ Saidon soe.

Aiseya 23:12

Ile Saidon soe, ita sewɛ ara ban. Ila mɔgɛnu bi tɔrɛ rɔ. Hali anu ya anu buri tala Saiparasi yi-tɛma-dugi rɔ, anu kunyɛ ti bɔ gbaran rɔ.

Sakaraya 9:2

hali Hamati soe min bi Hadiraki wo dafɛ. Hali anu hɛnkili kolo nya-wo-nya, a si tɔrɔyɛ lana Taya anubɛ Saidon soenu ma fanan.

Matiyu 11:21

A ko, “Ile Koresin so-burɔ-mɔgɛnu, gbalo ye wo kuma! Ile Bɛti-Sayida so-burɔ-mɔgɛnu, gbalo ye wole fanan kuma bawo kabana-koe minnu bara kɛ wo rɔ, ni wo nyɔgɔn kɛra Taya anubɛ Saidon soenu tɔ nun, nyɔ-mɔgɛnu bara tubi nun, bi ma! Anu si kasa-kurɛ don anu kan na nun ka ta-gbangban kɛ anu kunyɛ rɔ ka a yira ko anu bara anu kɛ-nyanu yɛlɛma!

Kɛwɔlɛnu 12:20

Mansa Hɛrodi diminyara Taya anubɛ Saidon so-burɔ-mɔgɛnu ma kati! Kɔnɔ anuna nyamanita-mɔgɛnu bi anuna dɔn-fannu sɔrɔnna Mansa Hɛrodila nyamanɛ le tɔ. Woletɔ anu ya anu nadɛn ka ta Hɛrodi yen. Bilasita min bi Hɛrodila mɔgɔ-ba do la, anu ya wo fɔlɔn ma anu yatigi la bawo wo le kun-tigiyɛ la nyɔ. Wo kɔma, anubɛ Bilasita tara Hɛrodi wara ka a madiya ni a si kɛlɛ ban.

Kɛwɔlɛnu 24:23

Pɔli maranɛ kɛlɛ-den-kun-tigi min bolo, a ya a fɔ a ye ko ka Pɔli mara. A ko anu kana a mara a dan na anubɛ anu kana a diyana-mɔgɛnu mabeli a makoenu nyinyala.

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 27:43

Kɔnɔ kɛlɛ-den-kun-tigi-ba ye a fɛ ka Pɔli lakisi. Woletɔ a ya anu nakala ko anu ka wo ma. Min bɛɛ si ke ba-matɛgɛ-kɛla, a ya a fɔ wo bɛɛ ye ko wonu fɔlɔn ni ba-matɛgɛ-kɛ ka ta gbele ma.

Kɛwɔlɛnu 28:16

Ma kera Romu tumɛ min, anu sɔnta ko Pɔli ni to a nyɛrɛ ma bɔn do la. Kɛlɛ-dan do sɔnɛ a dafɛ.

Yasowa 19:28

Iburɔn, Rihobu, Hamɔn anubɛ Kena soe wonu ma ha ka ta ke Saidon soe ma.