Kɛwɔlɛnu 26:6 - ALLALA KUMƐ

⁶ Nba, Alla ya lanyiri min kiri ma benbanu ye, anu bi n kitila wola ko la gbɛ!

Kɛwɔlɛnu 26:6 Iomraidhean Croise

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Ko-Dabirɛnu 22:18

Duninya-mɔgɛ bɛɛ si duwɛ sɔrɔn ile bɔnsɔn fɛ kamasɔrɔn i wara n kuman-kan to a gbɛ rɔ.”

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Yaburi 132:11

Ile Mari ya lanyiri-gbɛlɛmɛ min kiri mansɛ ye nun, i ti wo dafabɛlɛ to tun. I ko i si ala dan do ma mansɛ la, min si to a gbɛ rɔ.

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Yaburi 98:2

Mari ya ata nɔ-koe labɔ gbɛ rɔ. A ya a ma, sibole bɛɛ ya ala kanan-koe yen.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Isikiyɛli 21:27

N si anuna so-karantan ma tonbɔn la. Kɔnɔ kɛ ti ma fɔ n ya mɔgɛ min yabɔ soe kɛ tɔrɔ-koe la, wo wa na. Wo kɔma, n ni na to soe latenbila a tɔrɔlɛ ma.”

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Yowɛli 2:32

Kɔnɔ min bɛɛ si Mari rakele anu dɛnbɛn-koe la, wonu na si kanan wulɔn, ado Yerusalɛm so-burɔ-mɔgɛ donu fanan si kisi wulɔn iko Mari ara a fɔ nya min. A ko a wa min yabɔ ka a kele, a si wo to a niyi la.

Hɔbadaya 1:21

Mɔgɛ kɛnu ba ban soe kɛnu bila anu bolo, anu si ta Idɔm nyamanɛ fanan bi ka a mara. Ale Mari nyɛrɛ si ma mansɛ la ata mɔgɛnu kuma nyɔ.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Malakayi 3:1

Mari Sɛnbɛ-Bɛɛ-Tigi ko a ye ala kilayɛ lanala min si kilɛ rabɛn a ye. Wo kɔma, wo ye wo Tigi min nyinina, wo si na a Bato-Bɔn la tiriya! Kilayɛ min yen-sɔgɔ-bɛrɛbɛrɛ ye wo la, wo si na ka a nyɛrɛta sarama-kan wara-koe fɔ.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Kɛwɔlɛnu 23:6

Pɔli ya a yen ko dan-nafarɛ ye nyama tɛma, a fan kelan Sadusi, a fan kelan fanan, Farisi. Woletɔ a gbele-gbelenta kun-tiginu tɛma ko, “N kɔrɔnu! Farisi le nde la, ado n fa fanan, Farisi le. Anu bi n kitila min ma yan, wo le ko furi-lawuli-yigi ye n ma!”

Kɛwɔlɛnu 24:15

Yigi min bi n ma Allala koe rɔ, yigi kelan wo ye kɛnu fanan ye ko furi bɛɛ la si wuli, a mɔgɔ-nyima wo, a yogoma wo, a filɛ bɛɛ.

Kɛwɔlɛnu 24:21

Fɔ kɛ kelan, n sɔnɛ anu yakɔrɔ tumɛ min, n ya n kan labɔ ko kelenna ko la. N ko, ‘N bi kiti min ma yan, wo le ko furi-lawuli-yigi ye n ma!’ ”

Kɛwɔlɛnu 26:8

Ka a fɔ ko Alla ye furinu nawulila, nfenna a gbɛlɛ wo ya la ka la wo la?

Kɛwɔlɛnu 28:20

wo le ya a to, n ya madiyali kɛ ko n ni wo yen ka kuma wo la. Male Isirɛla mɔgɛnu yigi sanɛ min kuma, yɔlɔkɛ kɛnu bi n ma wo lela ko la.”

Kɛwɔlɛnu 3:24

Ka a dabira Nɛbi Samuwɛlita wati ma anubɛ nɛbi minnu nara ale kɔma wɔlɔyiya-kɛ-tinɛ, wonu dama ya tele kɛnuna ko fɔ.

Romu 15:8

ado n bi a fɔla wo ye ko Kirasiti mara Yahudiyanuna wɔli-kɛlɛ la ka a mayira ko Alla si ala lanyiri latɔnbagaya min kirinɛ ma benbanu ye.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Taita 2:13

Ma tenbi tele-makawanɛ wo makɔnɔna, ma ni to Alla gbiliyala duninya kɛ rɔ, ado ma yigi sanɛ tele wo kuma ko ma kisilɛ Yisa Kirasiti si na bɔ gbɛ rɔ wulɔn, mata Alla gbiliyanɛ, kɔni.