Kɛwɔlɛnu 26:4 - ALLALA KUMƐ

⁴ “Yahudiya bɛɛ ya n sɔn lɔn kebi n dennɛ. Anu ya a lɔn n bara ma nya min n nyɛrɛta nyamanɛ rɔ anubɛ Yerusalɛm soe burɔ.

Kɛwɔlɛnu 26:4 Iomraidhean Croise

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Kɛwɔlɛnu 24:14

N sɔnnɛ kɛ la i ye ko n bi ma benbanuna Alla batola kilɛ min fɛ, anu denu bi a fɔla wo le ma ko foninyɛ le. Kɔnɔ mabɛ ma benbanu bi Alla kelen de batola. Koe min bɛɛ sɛbɛnɛ Musata tɔn rɔ anubɛ nɛbinuna kitabunu tɔ, n lanɛ wonu fanan na.

Kalesiya 1:13

N bi nya min nun, wo tumɛ n bi Yahudiyanuna dina rɔ, wo ya wo lɔn. N ya a lagbɛlɛya Allata chɔchi kuma nun dɔgɔma-ma-de, ado kinikini-wo-kinikini sa n tɔ nun anuna ko la fɔ anu kasara-koe.

Filipai 3:5

N sɔrɔn ya lɔgɔkun kelen bɔ tumɛ min, n kemininyara wulɔn le. Isirɛla kɛ le nde la n sɔrɔn-nya fɛ ka bɔ Bɛnyamɛ bɔnsɔn rɔ. Hiburu nyɛrɛ-nyɛrɛ le nde la. Yahudiyanuna tɔn-kitabu-bira-kilɛ fɛ, Farisi le nde la.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.