Kɛwɔlɛnu 23:3 - ALLALA KUMƐ

³ Pɔli ya a fɔ saraka-masɔla-kun-tigi-wɛ ye ko, “Ile nafigi, i manɛ iko dandan-magbɛnɛ. I sɔn ma kin, ado Alla si ile gbesi, yɔ! I siginɛ nyɔ nde kitila Nɛbi Musala tɔn rɔ kɔnɔ i ya a fɔ mɔgɛnu ye ko anu ni nde gbesi. I ya Allala tɔn le tinya wo la!”

Kɛwɔlɛnu 23:3 Iomraidhean Croise

1 Mansɛnu 22:24

A ban kɛ fɔla, Nɛbi Sɛdɛkaya tara a dɛ ratii, pɔ! A ya a fɔ a ma ko, “Marita sɛnbɛ ya nde boloka muntuma ka ta kuma ile ye?”

Yaburi 94:20

Kiti-tɛgɛla-yogomɛ minnu bi ko-latelennɛ mala ko-radunɛ la, minnu bi yanfɛ donna mɔgɔ-nyimɛnu ma, ado anu bi mɔgɔ-magbalanɛnu faga-koe latɛgɛla, ile hayu-wo-hayu sa mɔgɛ wonu na.

Makawandili Kumɛnu 3:16

N sigira ka duninya lakɔrɔsi. N ya a yen ko a fisa, telenbagayɛ ni taran kan min, yaga, telenbɛlitayɛ ye nyɔ le!

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Saraka-Masɔlɛnuta Tɔnnu 19:35

“Mɔgɔ kana a ta-nyɔgɛ kensunya fen suman tinɛ, fen dan tinɛ rɔ wo, ala yanyɛ rɔ wo, anubɛ ala gbiliyɛ rɔ. “Nde le wota Mari Alla la min ya wo labɔ Iyipiti nyamanɛ rɔ woletɔ

Emɔsi 5:7

“Bawo wo ye ko-telennɛnu tadula ka mɔgɛnu kensunya anu halala-fannu kuma, woletɔ Mari ko a ara a ban wo la ka wo kasara.

Yɔni 18:24

Wo kɔma, Anasi ya a kirinɛ lata Saraka-Masɔla-Kun-Tigi-Wɛ Kaifasi ma.

Yɔni 7:51

“Iko mala tɔn ye nya min, yanni ma ni mɔgɔ yiliki, fɔ ma wa ma tole masɔ ale fanan kuman-kan la alako ma ni a lɔn ni a ara min ma.”

Kɛwɔlɛnu 23:4

Minnu sɔnɛ Pɔli dafɛ, wo do ya a fɔ a ye ko, “I ye Allala saraka-masɔla-kun-tigi-wɛ le manyinina wo la. I ma wo lɔn?”