Kɛwɔlɛnu 23:1 - ALLALA KUMƐ

¹ Pɔli ya Yahudiyanuna kun-tiginu mafɛlɛn sin! A ko, “N kɔrɔnu! N bara wɔlɛ min bɛɛ kɛ Alla yala, fɛɛ sa n na wo la feu! Ha bi, n sɔndɔmɛ ma n yiliki ko-yogomɛ kɛla ko la hali!”

Kɛwɔlɛnu 23:1 Iomraidhean Croise

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Kɛwɔlɛnu 22:1

Pɔli ya a fɔ anu ye ko, “N fanubɛ n kɔrɔnu, wo ni wo wɔlɔ matɔlɔ n na, n ni n nyɛrɛ fɛka wo yala!”

Kɛwɔlɛnu 22:30

Yahudiyanu ya Pɔli maburi minna ko la, kun-tigi-ba wo ye a fɛ ka wo lɔn, yɔ! Woletɔ wo banda kɛ, a ya yɔlɔkɛnu bɔ Pɔli ma. A ya a fɔ saraka-masɔla-wɛnu ye ko anubɛ anuna kun-tigi dama ni na ladɛn kɛ. Wo kɔma, a tara Pɔli la anu yakɔrɔ.

Kɛwɔlɛnu 22:5

Saraka-masɔla-kun-tigi-wɛ anubɛ anuna mɔgɔ-ba dama si ke wo sereyɛ bɔla ko n bi tonyɛ le fɔ tinɛ wo la. Anu denu ya kɛdinu di n ma minnu sɛbɛnɛ ma na-kelen-nyɔgɔ Yahudiyanu ma Damasika soe burɔ alako n ni ta mɔgɛ wonu bira tinɛ nyɔ nun. N tara alako n si anu kiri yɔlɔkɛnu na nya min ka sɛgi anu na Yerusalɛm anu tɔrɔ tinɛ.

Kɛwɔlɛnu 23:15

Woletɔ wole kun-tigi-toenu ni sarakanɛ lata Romu kɛlɛ-den-kun-tigi-ba wara. Wo ni a ma iko wo ye a fɛ le ka Pɔlila koe fɛsɛfɛsɛ a kilɛ fɛ. Wo ni a fɔ a ye ko a ni ale Pɔli latenbi wo ma. Male si ma rabɛn ka a faga kilɛ la.”

Kɛwɔlɛnu 23:20

Keminɛ wo ko, “Yahudiyanu bara a rabɛn ko sina, anu ni i madiya ko i ni Pɔli lata anuta kun-tiginu ma. Anu bi a mala iko kun-tiginu bi ala koe fɛsɛfɛsɛla a kilɛ fɛ.

Kɛwɔlɛnu 23:28

Anu bi a maburila koe min na, n bi a fɛ ka wo lɔn nun. Woletɔ n tara a la anuna kun-tiginu bara.

Kɛwɔlɛnu 23:6

Pɔli ya a yen ko dan-nafarɛ ye nyama tɛma, a fan kelan Sadusi, a fan kelan fanan, Farisi. Woletɔ a gbele-gbelenta kun-tiginu tɛma ko, “N kɔrɔnu! Farisi le nde la, ado n fa fanan, Farisi le. Anu bi n kitila min ma yan, wo le ko furi-lawuli-yigi ye n ma!”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Kɛwɔlɛnu 6:15

Mɔgɛ min bɛɛ siginɛ kun-tiginuna ladɛn wo rɔ, wonu ya anu yɛ sɔ Sitifen la. Anu ya a yen a yakɔrɛ manɛ iko melika yakɔrɛ.

1 Kɔrɛnti 4:4

N sɔndɔmɛ gbɛnɛ feu! Kɔnɔ wo dɔrɔn ti a yira ko sɔn sa n na bawo Mari le n kitila.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 4:2

Ma ara ko-dogonnɛ anubɛ miliya-koe bɛɛ boloka. Ma ti ko-wo-ko kɛ yanfanteyɛ la, ado ma ti Allala kumɛ yɛlɛma foninyɛ la. Ma ye tonyɛ karanna gbɛ rɔ, woletɔ mɔgɛnu si a lɔn anu nyɛrɛ sɔndɔmɛ rɔ ma ye nya min Alla yala,

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.

Hiburunu 13:18

Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,