Kɛwɔlɛnu 21:8 - ALLALA KUMƐ

⁸ Wo banda kɛ, ma bɔra nyɔ ka ke Sɛsariya soe burɔ. Kawandili-bɔlɛ min tɔgɛ Filipi, ma tara don wo warɛ ko ma ni to ale fɛ. Mɔgɔ wɔrɔnfilɛ minnu bi Marita kilayɛnu dɛnbɛna, wo kelen de Filipi kɛ la.

Kɛwɔlɛnu 21:8 Iomraidhean Croise

Kɛwɔlɛnu 10:1

Kei do ye Sɛsariya soe burɔ nun, wo tɔgɛ Kɔniliyasi. Romu kɛlɛ-den-kurɔn min tɔgɛ ko, “Italita Kurɔn,” anuna kun-tigi do le.

Kɛwɔlɛnu 16:10

Pɔli ya ko-rayirɛ wo yen nya min wo, ma ya ma rabɛn ka ta Masidoniya bawo ma lara a la ko Alla le ya ma kele kibara-nyimɛ kawandili bɔ tinɛ nyɔ-mɔgɛnu ye.

Kɛwɔlɛnu 16:13

Sulen-Tele ma, ma bɔra soe ka ta madiyali-kɛ-tinɛ kan tinɛ do rɔ min bi bɛ dala. Ma ya a lɔn ko Yahudiyanu si anu nadɛn Alla matara tinɛ nyɔ le. Musi minnu nadɛnnɛ nyɔ, ma sigira ka kuma wonu ye.

Kɛwɔlɛnu 16:16

Lunyɛ do, ma ye tala Alla matara tinɛ tumɛ min, mabɛ yɔɔn-sunkurɔn do bɛnta nyina-yoge ye min fɛ. Wo ara ma nya-nyini-kɛlɛ la mɔgɛ do bolo. A ya wodi siyaman sɔrɔnna a tiginu ye nya-nyini-kɛ wo fɛ.

Kɛwɔlɛnu 18:22

A kera Sɛsariya tumɛ min, a ya dɛnkɛninya-mɔgɛnu kɔndɔn. Wo kɔma, a tara Antiyaki soe burɔ tun.

Kɛwɔlɛnu 20:13

Ma donta kulɔn rɔ ka ta Pɔli yarɔ Asosi soe burɔ. A ya a fɔ ma ye nun ko a ye tala nyɔ a kian la ka na kofu ma ma kulɔn rɔ.

Kɛwɔlɛnu 20:6

Biredi-Yɛlɛbɛlɛ-Dɔn-Ladɛn banta tumɛ min, ma donta kulɔn rɔ ka bɔ Filipai soe burɔ. Tele loli kɔma, ma ya anu taran Taroyasi. Ma ya lɔgɔkun kelen bɔ nyɔ.

Kɛwɔlɛnu 21:16

Marita mɔgɛ donu bɔra Sɛsariya soe burɔ ka bila ma fɛ. Ma tara to kei do warɛ min tɔgɛ Meson. Saiparasi kɛ le, ado Marita mɔgɛ le kebi fɔlɔfɔlɔ.

Kɛwɔlɛnu 23:23

Nba, kɛlɛ-den-kun-tigi-ba ya ala kɛlɛ-den-kun-tigi fila kele. A ko, “Wo ni kɛlɛ-den kɛmɛ fila (200) bi, anubɛ so-laburila bi-wɔrɔnfila (70), anubɛ tanba-tigi kɛmɛ fila (200). Anu ni anu tabɛn ka ta Sɛsariya bi suyi rɔ mɔgɛnu-sun-wati (9 pm).

Kɛwɔlɛnu 27:1

Ma ta-tumɛ kera tumɛ min ka ta Itali nyamanɛ rɔ yi kuma, anu ya Pɔli anubɛ yelela-mɔgɛ doinu don Yuliya bolo, Romu nyamanɛ kun-tigi-bata kɛlɛ-den-kunyɛ do, kɔni. Kɛlɛ-den-kurɔn min bi Romu nyamanɛ kun-tigi-ba bolo, a ye wo kun-tigiyɛ la.

Kɛwɔlɛnu 28:11

Karɛ sawa kɔma, ma donta kulɔn do rɔ min tɔgɛ, “Bɛsɛ-Fɛrannu.” Kulɔn wo bɔnɛ Alɛsandariya soe Iyipiti nyamanɛ rɔ kɔnɔ a ara samɛ kɛ Malita yi-tɛma-dugi wo rɔ nun.

Kɛwɔlɛnu 28:16

Ma kera Romu tumɛ min, anu sɔnta ko Pɔli ni to a nyɛrɛ ma bɔn do la. Kɛlɛ-dan do sɔnɛ a dafɛ.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 9:30

Kɔnɔ a na-kelen-nyɔgɔ dɛnkɛninya-mɔgɛnu ya wo lamɔɛn tumɛ min, anu tara Sɔli la Sɛsariya soe burɔ. Wo kɔma, anu ya a lata Tarasa soe burɔ.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.