Kɛwɔlɛnu 21:1 - ALLALA KUMƐ

¹ Ma ban ma masarala anu na, ma donta kulɔn rɔ ka ma telen yi-tɛma-dugi min tɔgɛ Kosi. Wo banda kɛ, ma tara yi-tɛma-dugu-gbɛrɛ min tɔgɛ Rode. Ma bɔra nyɔ ka ta Patara soe burɔ.

Kɛwɔlɛnu 21:1 Iomraidhean Croise

Luka 5:4

A banta kumala tumɛ min, a ya a fɔ Saimon ye ko, “Kulɔn lata tungban tɛma. Wobɛ i ta-nyɔgɛnu ni wola yalɛnu nakɛ nyɔ ka yɛgɛ bira.”

Luka 8:22

Lunyɛ do, Yisa anubɛ ala karan-dannu donta kulɔn rɔ. A ya a fɔ anu ye ko, “Ma tenbi wona dalɛ kɔma.” Woletɔ anu wulita.

Kɛwɔlɛnu 27:2

Kulɔn min bi Adamitiyam soe dafɛ, wo ye wulila ka ta Esiya nyamanita yi-dafɛ-soenu tɔ. Ma donta wo rɔ ka ta. Masidoniya kɛ min tɔgɛ Aritaka, wo bɔnɛ Tɛsalonaika soe burɔ nun, mabɛ wo tara ma nyɔgɔn fɛ.

Kɛwɔlɛnu 27:4

Ma bɔɛ nyɔ, yi-tɛma-dugi min tɔgɔ Saiparasi, ma tara wo fina kelen fɛ bawo fɔnyɔ ya a kun sa ma ma.

1 Tɛsalonaika 2:17

Ma na-kelen-nyɔgɛnu, hali ma bɔnɛ wo fɛ wati-ni kɔrɔ, wo yen-sɔgɛ ye ma la bɛrɛkɛ! Hali ma sa wo fɛ, ma ye wo fɛ ma yisi rɔ, ado ma ya ma raya ko ma ni wo yen tun, yɔ!