Kɛwɔlɛnu 2:9 - ALLALA KUMƐ

⁹ Male donu bɔra Patiya, Midiya, anubɛ Ilam nyamanɛnu tɔ. Donu bɔra Mɛsapotemiya, Yudiya, anubɛ Kapadosiya nyamanɛnu tɔ. Donu bɔra Ponta, anubɛ Esiya nyamanɛnu tɔ.

Kɛwɔlɛnu 2:9 Iomraidhean Croise

Ko-Dabirɛnu 14:1

Mansa Amirofɛli min bi Babilɔn nyamanɛ kun na wo, Mansa Ariyoki min bi Ilasa nyamanɛ kun na wo, Mansa Kɛdolama min bi Ilam nyamanɛ kun na wo, Mansa Tidali min bi Koyim nyamanɛ kun na wo, mansa nanɛ kɛnu ya anu kundɛn kan-tina-kelen so loli kɛlɛ-koe la.

Ko-Dabirɛnu 24:10

Wɔli-kɛlɛ wo ya nyomo tan bi a tigila nyomɛnu tɛma anubɛ fen-hakika siyaman ka ta Mɛsopotemiya nyamanɛ rɔ Iburayima na-kelen-nyɔgɛ Nehori ye kan min.

2 Mansɛnu 17:6

Kɔnɔ Hoseyala mansayɛ san kɔnɔntɔ nyɔgɛ ma, Asiriya mansɛ wo ya Isirɛla mɔgɛnu nɔ ka ta anu na birɛ rɔ. A ke anu na, a ya anu tatala. A ya donu nata Hela sigisɔn rɔ. A tara donu na Koson sigisɔn rɔ min bi Hebɔ bɛ dafɛ. A tara donu na Midinuna soenu tɔ.

1 Ko-Kɔrɔta-Karan 19:6

Amonnu anubɛ anuna Mansa Henɔn ya a lɔn min kɛ ko anu bara Mansa Dawuda ma anu yoge la, anu tara Mɛsopotemiya nyamanɛ kantɔ-wara la anubɛ Meyaka soe anubɛ Soba soe Siriya nyamanɛ rɔ ka kirindi-laburilɛnu anubɛ anuna kirindinu masan wodi-gbɛ siyaman na. Wodi-gbɛ wola gbiliyɛ anubɛ fui-fan bɔrɔ kɛmɛ lolila gbiliyɛ rakɛn de!

Ɛsira 6:2

Tɔ-a-la, anu ya mansɛ wo kan sɛbɛnɛ taran Akimita soe burɔ Midiya nyamanɛ rɔ. Min sɛbɛnɛ a rɔ, a ko,

Aiseya 11:11

Wo wati wa ke, Mari si ata sɛnbɛ lawɔli alako ata mɔgɛ minnu bi Asiriya anubɛ Iyipiti ni sɛgi anu barɛ tun. Iyipiti nyamanɛ dugu la wo, Sudan nyamanɛ wo, Ilam nyamanɛ wo, Babilɔniya nyamanɛ wo, Hamati nyamanɛ wo, kɔgɔ-yi-dafɛ-nyamanɛnu wo, yi-tɛma-nyamanɛnu tɔ wo, anu si na ka bɔ wo bɛɛ rɔ.

Aiseya 21:2

N ya min yen ko-rayirɛ wo rɔ, yanfɛ anubɛ kasarɛ. Ilam kɛlɛ-dannu, wo ni wo sɛbɛ don! Midiya kɛlɛ-dannu, wo ni wo bui soenu ma! Babilɔn kɛnu bara tɔrɔyɛ min nana, Alla si yili kiri wo dan la.

Daniyɛli 5:28

Ka a fɔ, ‘A TALA,’ wo kɔrɛ le, Alla ara ila nyamanɛ bi i bolo ka a ratala Midiya kɛnu anubɛ Pasiya kɛnu na.”

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Daniyɛli 8:20

“I ya saga-yigi minnubɛ a kere filɛ yen wo la, wo tamasere le Midiya mansɛ anubɛ Pasiya mansɛ wara-koe la.

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 19:10

A tora anu fɛ san fila kɔrɔ. Woletɔ mɔgɛ min bɛɛ siginɛ Esiya nyamanɛ rɔ, a Yahudiya wo, a sibolo-gbɛrɛ wo, bɛɛ ya Marita kumɛ lamɔɛn.

Kɛwɔlɛnu 19:27

Mɔgɛnu si wuli mala wɔlɛ kɛ rasɛla, ado wo dɔrɔn ma. Bɛsi-musumɛ-makawanɛ Atɛmisila kɔ tinɛ si ma fuyi la mɔgɛnu yala. Esiya nyamanita-mɔgɛ bɛɛ ye bɛsi-musumɛ wo kɔla anubɛ duninya-mɔgɛ bɛɛ! Mɔgɛnu bi nala nyinala a ko!”

Kɛwɔlɛnu 19:31

Pɔli diyara nyamanita-mɔgɔ-ba donu ye. Wonu fanan ya sarakanɛ lata a ma ka a madiya ko ale nyɛrɛ kana a kunyɛ ladon ladɛn tinɛ.

Kɛwɔlɛnu 2:8

A mara kama worɔ ma ye mata kan lamɔɛnna kɛnu da rɔ?

Kɛwɔlɛnu 20:16

Pɔli ara a latɛgɛ ko a ni tenbi Ɛfɛsa soe la alako a kana wati matanba Esiya nyamanɛ rɔ. A ye a lakaliyala nun ko a ni Pɛntikɔsi tele kɛ Yerusalɛm soe burɔ.

Kɛwɔlɛnu 20:18

Mɔgɔ-ba wonu ke Mailita tumɛ min, a ya a fɔ anu ye ko, “Kebi n nɛ fɔlɔtɛ Esiya nyamanɛ rɔ, n bara to wo fɛ nya min, wo ya wo bɛɛ lɔn.

Kɛwɔlɛnu 20:4

Pairihusila den-kei Sopata min bɔra Bɛriya soe burɔ, wo bilara a fɛ. Aritaka anubɛ Sɛkunda minnu bɔra Tɛsalonaika soe anubɛ Keyasi min bɔra Dabi soe anubɛ Timoti, wonu fanan tara. Tikika anubɛ Tarofimasi fanan bilara a fɛ ka bɔ Esiya nyamanɛ rɔ.

Kɛwɔlɛnu 21:27

Sɛninya-tele wɔrɔnfilɛ wo ban-tumɛ gbɛrɛnta tumɛ min, Yahudiya donu nara ka bɔ Esiya nyamanɛ rɔ. Wonu ya Pɔli yen Alla-Bato-Bɔn la. Anu ya nyama bɛɛ latugu ko anu ni Pɔli bira.

Kɛwɔlɛnu 24:18

N bi wo kun na tumɛ min, anu ya n taran Alla-Bato-Bɔn la, ado n ban-san le sɛninya-koe wo kanbalila wulɔn. Nyama sa n fɛ, sɔnkɔ-sɔnkɔ sa n fɛ.

Kɛwɔlɛnu 27:2

Kulɔn min bi Adamitiyam soe dafɛ, wo ye wulila ka ta Esiya nyamanita yi-dafɛ-soenu tɔ. Ma donta wo rɔ ka ta. Masidoniya kɛ min tɔgɛ Aritaka, wo bɔnɛ Tɛsalonaika soe burɔ nun, mabɛ wo tara ma nyɔgɔn fɛ.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Kɛwɔlɛnu 7:2

Sitifen ya a yabi ko, “N fanu anubɛ n na-kelen-nyɔgɛnu! Wo ni wo wɔlɔ matɔlɔ n kan la! Yanni ma benba Iburayima ni ta sigi Haran soe burɔ, a siginɛ Mɛsapotemiya nyamanɛ rɔ nun, mata Alla-makawanɛ nyɛrɛ bɔra gbɛ rɔ a ye kan min.

Romu 16:5

Chɔchi-mɔgɛ minnu si anu nadɛn anuna bɔn la, wonu fanan kɔndɔn n ye. Wo ni n diyana-mɔgɛ Ipinɛta kɔndɔn. Ale le fɔlɔn mara dɛnkɛninya-mɔgɛ la Kirasiti ye Esiya nyamanɛ rɔ.

1 Kɔrɛnti 16:19

Chɔchi minnu bi Esiya nyamanɛ rɔ, wonu bi wo kɔndɔnna. Akuwila anubɛ Purusila anubɛ chɔchi-mɔgɛ minnu nadɛnnɛ anuna bɔn la, wonu bi wo kɔndɔnna bɛrɛkɛ Mari tɔgɔ rɔ.

2 Kɔrɛnti 1:8

Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

Tɔn-Fɔɛ-Fila-Nyɔgɛ 23:4

bawo wo ye tagamana ka bɔ Iyipiti nyamanɛ rɔ, anu ma sɔn dɔntɛ anubɛ yi dila wo ma. Min sanɛ wo kuma, anu ya Beyorila dan Nɛbi Belam kele ka bɔ Petori soe burɔ Babilɔn nyamanɛ rɔ pon! Anu ya a sara wole Isirɛla mɔgɛnu danka-koe la.

2 Timoti 1:15

Iko i ya a lɔn nya min, min bɛɛ ye Esiya nyamanɛ rɔ, wonu bara anu kan-kɔ sɔ n na katarala Faigɛla anubɛ Hɛmogɛnisi ma.

1 Pita 1:1

Nde, Pita le ye kɛdi kɛ sɛbɛla, Yisa Kirasiti ya nde min sɔ, ala kilayɛ, kɔni. N bi a lakela wole Allala mɔgɔ yabɔnɛnu ma minnu manɛ iko kɛlɛ-kɔrɔ-maburilɛnu. Wo nyɛnsɛnnɛ Ponta anubɛ Kalesiya anubɛ Kapadosiya anubɛ Esiya anubɛ Baitiniya nyamanɛnu tɔ.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.