Kɛwɔlɛnu 2:4 - ALLALA KUMƐ

⁴ Allala Ni-Sɛnimɛta sɛnbɛ yigira anu damasi kuma. Bɛɛ ya kan-gbɛrɛ-fɔɛ dabira iko Allata Ni-Sɛnimɛ ye anu nabilala nya min.

Kɛwɔlɛnu 2:4 Iomraidhean Croise

2 Samuwɛli 23:2

“Marita Ni-Sɛnima kumara n ye. Ala sarakanɛ wo ye n da rɔ.

Aiseya 28:11

Ni wo sa wo tole masɔla nde la, Alla si sundannu nana wo karan tinɛ kan-yabasannɛ la.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Yɛrɛmaya 6:11

Kɔnɔ n dɛ la ara fa Marita fondo-bɔɛ la. N ti ke a birala n tɔ tun. Mari ko ala fondo-bɔɛ ni bon dennɛnu ma minnu bi tolonna soe tɔnkɔnnu tɔ. A ni bon kemini-mɛsɛnu ma minnu nadɛnnɛ kan-tina-kelen. Ala fondo-bɔɛ si keinubɛ ala nyaganɛ bira anu nyɔgɔn fɛ. A si kɛmɔgɛnu anubɛ musu-kɔrɛnu fanan bira.

Isikiyɛli 3:11

I na-kelen-nyɔgɛ minnu bi biralɛ rɔ i fɛ Babilɔn nyamanɛ rɔ, ta wonu bara. Nde, wo Tigi Mari Alla ara kumɛ minnu don i da rɔ, i ni ta wonu fɔ anu ye, a biranɛ anubɛ a birabɛlɛ anu bolo.”

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Matiyu 10:19

Anu ba ta wo la nyɔ, wo si min fɔ anubɛ wo si a fɔ nya min, wo kana hami wola ko la. A wati wa ke, wo ye nala min fɔla, wo si wo sɔrɔn

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Luka 1:15

bawo dan wo si ma mɔgɔ-ba la Mari yala. Fenfen min si mɔgɔ bira iko baan, a kana wo min. Ka a dabira a sɔrɔn wati ma, a si fa Allata Ni-Sɛnimɛ la.

Luka 1:41

Ilisabɛti ya Mariyamala kɔndɔli-kan lamɔɛn tumɛ min, a buyi ye a la dan min na, wo ya a mamaga Ilisabɛti burɔ. Ilisabɛti fara Allata Ni-Sɛnimɛ la.

Luka 1:67

Yɔni wo fa Sakaraya fara Allata Ni-Sɛnimɛ la ka wɔlɔyiyɛ kɛ. A ko,

Luka 12:12

Bawo a bɛnta, wo ni min fɔ wati kelan wo rɔ, Allata Ni-Sɛnimɛ si wo karan wo la.”

Luka 21:15

bawo n si kumɛnu don wo da rɔ ka hɛnkili di wo ma. Wo si min fɔ, hali wo yogo kelen ti ke wo sɔsɔla ka wo nɔ.

Luka 4:1

Yisa sɛgira ka bɔ Yorodan bɛ fɛ, a fanɛ Allata Ni-Sɛnimɛ la. Wo kɔma, Allata Ni-Sɛnimɛ tara a la wulɛ rɔ.

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Yɔni 20:22

A ya kɛ fɔ tumɛ min, a ya a niyi lafɛ anu kuma. A ko, “Wo ni Allala Ni-Sɛnimɛ sɔrɔn.

Kɛwɔlɛnu 1:5

A ko Yɔni ya batasili kɛ yi rɔ kɔnɔ anu denu si batasi Allata Ni-Sɛnimɛ la, ado wo ti tele siyaman bɔ tun.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 10:46

Anu ya kan-gbɛrɛnu-fɔɛ fanan namɔɛn anu bi Alla tantola ala sɛnbɛ-bala ko la nya min. Pita kumara tun, a ko,

Kɛwɔlɛnu 10:47

“Mɔgɛ kɛnu bara Allata Ni-Sɛnimɛ sɔrɔn iko male fanan ya a sɔrɔn nya min. Mɔgɛ si anu nakala kama worɔ ko anu kana batasi yi rɔ?”

Kɛwɔlɛnu 11:15

Nba, n wulita kumala tumɛ min, Allata Ni-Sɛnimɛ yigira anu fanan kuma iko a yigira male kuma nya min fɔlɔ-nun.

Kɛwɔlɛnu 11:24

Mɔgɔ-nyimɛ le Banabasi la. A fanɛ Allata Ni-Sɛnimɛ anubɛ dɛnkɛninyɛ la, woletɔ mɔgɔ siyaman mara Maritɛ la nyɔ.

Kɛwɔlɛnu 13:52

Kɔnɔ dɛnkɛninya-mɔgɛ minnu bɔ-san Antiyaki, wonu fara sewɛ anubɛ Allata Ni-Sɛnimɛ la.

Kɛwɔlɛnu 13:9

Nba, Sɔli, anu bi min kelela fanan ko Pɔli, wo fanɛ Allata Ni-Sɛnimɛ la min kɛ, a ya a yɛ gbala kofo-dan wo la sin!

Kɛwɔlɛnu 15:8

Nba, Alla ya mɔgɛ bɛɛ yisi lɔn. A ya ata Ni-Sɛnimɛ di male ma nya min, a ara wo di sibolo-gbɛrɛnu fanan ma wo nya na le. Wo ya a ragbɛ ko a ya anu denu fanan yabɔ.

Kɛwɔlɛnu 19:6

Pɔli ya a bole sa anu kuma tumɛ min, anu fanan ya Allata Ni-Sɛnimɛ sɔrɔn. Anu kumara kan-gbɛrɛnu tɔ ka wɔlɔyiya-kumɛ fɔ iko fɔlɔ-mɔgɛnu.

Kɛwɔlɛnu 2:11

Yahudiya anubɛ sibolo-gbɛrɛ minnu bi Yahudiyanuna dina rɔ, wonubɛ ma ta-nyɔgɛnu bɔra Kariti anubɛ Arebiya nyamanɛnu tɔ. Hali wo, anu bi Allala kabana-ko-wɔlɛ fɔla min kɛ, ma ye wo lamɔɛnna ma nyɛrɛta kannu tɔ.”

Kɛwɔlɛnu 2:3

Anu ya fan donu yen minnu manɛ iko ta-mɛlan. Ta-mɛlan wonu manɛ iko mɔgɔ nagan. Wonu nyɛnsɛnta ka sigi mɔgɔ kelen-kelennamɛ-bɛɛ ma.

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 4:8

Pita fanɛ Allala Ni-Sɛnimɛ la min kɛ, a ya Isirɛla kun-tiginu anubɛ mɔgɔ-banu yabi ko,

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 6:8

Nba, Allata duwɛ yigira Sitifen kuma bɛrɛkɛ! Sɛnbɛ ye a bolo Alla wara la. A ya tamasere-wɛnu anubɛ kabana-koenu kɛ mɔgɛnu tɛma.

Kɛwɔlɛnu 7:55

Kɔnɔ Sitifen fanɛ Allata Ni-Sɛnimɛ la. A ya a yɛ layɛlɛ san ma Allala gbiliyɛ mafɛlɛn tinɛ. A ya Yisa sɔni yen Alla kɔɛn-nyimɛ rɔ.

Kɛwɔlɛnu 8:17

Wo kɔma, Pita anubɛ Yɔni ya anu bole sa wonu kuma. Anu fanan ya Allata Ni-Sɛnimɛ sɔrɔn.

Kɛwɔlɛnu 9:17

Woletɔ Ananayasi tara bɔn wo la. A ke nyɔ, a ya a bole sa Sɔli kuma. A ko, “N na-kelen-nyɔgɛ Sɔli, i ya Mari Yisa min yen kilɛ la, wo le ara n sɔ i wara. A ara n sɔ alako i yɛ la ni ka tun. Wo kɔma, i si fa Allata Ni-Sɛnimɛ la.”

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

1 Kɔrɛnti 12:10

Ata Ni-Sɛnimɛ si kabana-ko-wɔli-sɛnbɛ di mɔgɛ do ma ka kawandili-labɔ-sɛnbɛ di mɔgɔ-gbɛrɛ ma. Fandɛ minnu bɔra Allata Ni-Sɛnimɛ bolo anubɛ minnu ma bɔ a bolo, wonu dan-nafarɛ-lɔn-sɛnbɛ dinɛ mɔgɔ-gbɛrɛ ma. Kan-gbɛrɛ-fɔ-sɛnbɛ dinɛ mɔgɛ do ma. Kan wo latenbi-sɛnbɛ dinɛ mɔgɔ-gbɛrɛ fanan ma,

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

1 Kɔrɛnti 13:8

Keninteyɛ ti ban mumɛ! Wɔlɔyiya-kuma-fɔɛnu bi nyɔ kɔnɔ wonu fanan ti mɛ. Kan-gbɛrɛ-fɔɛnu bi nyɔ kɔnɔ wonu si to-a-rɔ. Lɔnnɛ ye nyɔ kɔnɔ wo bɛrɛn si tenbi.

1 Kɔrɛnti 14:18

N bi baraka birala Alla ye ko nde ye kan-gbɛrɛ fɔla ka tenbi wo dama la.

1 Kɔrɛnti 14:5

Ni wo dama si ke kan-gbɛrɛ fɔla, wo si a diya don n tɔ. Kɔnɔ min di n ye wo ko, wo le, ko wo dama ni Allala-kuma-fɔ-fandɛ sɔrɔn, ado Allala-kuma-fɔɛ tenbira kan-gbɛrɛ-fɔɛ la. Kɔnɔ ni mɔgɔ do taranta nyɔ min si a kan latenbi alako chɔchi-mɔgɛ bɛɛ ni dɛnbɛnɛ sɔrɔn wo fɛ, nba, wo fisa.

Ɛfɛsa 3:19

N bi a matarala ko wo ni ala keninteyɛ lɔn yati, ado hadama-dan ti ban wo nya-yenna. N bi a fɛ, wo ni wo lɔn alako a Fa Alla nyɛrɛta kɛ-nya ni wara wole rɔ.

Ɛfɛsa 5:18

Wo kana sɔn, gbɛɛ ni wo rabunden. Yanni wo ni wo ma, wo fanɛ ni to ata Ni-Sɛnimɛ la.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

1 Samuwɛli 1:14

A ya a fɔ ale Hana ye ko, “I ti i fara gbɛɛtoya-ko-ladan la?”

1 Samuwɛli 10:10

Sɔli anubɛ ala wɔli-kɛlɛ wo kera Allata kɔnkɛ wo ma tumɛ min Kibiya soe burɔ, nɛbi-kurɔn wonu ya anu taran. Tiriyante wo rɔ, Allata Sɛnbɛ yigira Sɔli kuma. Ale fanan kofura nɛbi wonu ma dɔn-kɛ anubɛ wɔlɔyiya-kuma-fɔɛ rɔ.