Kɛwɔlɛnu 2:10 - ALLALA KUMƐ

¹⁰ Donu bɔra Parigiya anubɛ Pamfiliya nyamanɛnu tɔ. Donu bɔra Iyipiti anubɛ Libiya nyamanɛ min bi Sairini soe dafɛ. Donu bɔra Romu soe burɔ fanan.

Kɛwɔlɛnu 2:10 Iomraidhean Croise

Ko-Dabirɛnu 12:10

A ma mɛ kɔnkɔ-fitinɛ burunta Kenan nyamanɛ wo kuma bɛff! Wo le ya a to, Burama wulita ka ta Iyipiti nyamanɛ rɔ alako a ni wati-kundu-ni kɛ nyɔ.

Ɛsita 8:17

Anu ya mansɛla kɛdi kɛ karan kan tinɛ min bɛɛ rɔ, Yahudiyanu ya tolon-belebele-wɛ ladan ka ladiyɛ kɛ nyɔnu tɔ. Mɔgɔ-siyaman ya anu sibole yɛlɛma ka ma Yahudiya la bawo bɛɛ ara fɔlɔ kilanna Yahudiyanu na.

Yɛrɛmaya 46:9

Wo ni soeenu naburi wɛ kɛ. Kirindinu gbɛ ni to. Ini kɛlɛ-dannu nata. Sudan kɛnu anubɛ Libiya kɛnu si nɛgɛ-lufɛnu bi. Lidiya kɛnu si kalɛnu tasagan.”

Isikiyɛli 30:5

“N ya kɛlɛ-dan minnu masan Sudan, Libiya, Lidiya, Arebiya, anubɛ Kubi nyamanɛnu tɔ, kɛlɛ wo si wonu faga. Hali n nyɛrɛta mɔgɛ donu si taran mɔgɔ-faganɛ wonu tɛma.

Daniyɛli 11:43

Sɛnɛ anubɛ wodi-gbɛ anubɛ fen-kolomɛ min dogonnɛ Iyipiti kɛnu ma, a si wonu toronde anu bolo. A si Libiya kɛnu anubɛ Itiyopiya kɛnu nɔ fanan.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Sakaraya 8:20

Ale Mari Sɛnbɛ-Bɛɛ-Tigi ko wati ye nala, mɔgɔ-siyaman si na Yerusalɛm soe burɔ ka bɔ so-siyaman tɔ.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Matiyu 2:15

Wonu tora nyɔ ha Mansa Hɛrodi tenbira. Wo mara alako Mari ya min fɔ nɛbi ye nun, wo la ni kanbali bawo nɛbi le ya a fɔ ko Mari ya ala dan kele ko a ni bɔ Iyipiti.

Matiyu 23:15

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ-kelen-bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la!

Matiyu 27:32

Anu bi tala tumɛ min, anu bɛnta kei do la ka bɔ Sairini soe burɔ min tɔgɛ Saimon. Anu ya a fɔrɔsɛ ka Yisala faga-kɔlɔma bi.

Maraka 15:21

Anu bi tala tumɛ min, anu bɛnta kei do la min tɔgɛ Saimon, Sairini kɛ le. A bɔmatoe sɛnɛ rɔ nun ka ta soe. Kɛlɛ-dannu ya a fɔrɔsɛ Yisa faga-kɔlɔma bi-koe la. (Saimon wo, Alɛsanda anubɛ Rufasi fa le, kɔni.)

Kɛwɔlɛnu 11:20

Kɔnɔ minnu dɛnkɛninyanɛ Saiparasi anubɛ Sairini soenu burɔ, wo donu tara Antiyaki ka Mari Yisata kibara-nyima-kawandili bɔ sibolo-gbɛrɛnu ye.

Kɛwɔlɛnu 13:1

Nɛbinu anubɛ karan-mɔgɛnu bi Mari Yisata mɔgɛnu tɛma nun Antiyaki soe burɔ. Wonu denu bi Banabasi anubɛ Simiyɔn, (anu bi min kelela fanan ko, “Fara-finyɛ,”) anubɛ Lusiya min bɔra Sairini soe burɔ, anubɛ Maneyan, minnubɛ Mansa Hɛrodi makolota anu nyɔgɔn fɛ, anubɛ Sɔli.

Kɛwɔlɛnu 13:13

Pɔli anubɛ a ta-nyɔgɛnu donta kulɔn rɔ Pefasi soe dafɛ ka ta Pamfiliya-Pɛraga soe burɔ. Yɔni-Maraka ya anu boloka nyɔ ka sɛgi Yerusalɛm.

Kɛwɔlɛnu 13:43

Mɔgɛnu bɔra ladɛn rɔ tumɛ min, Yahudiya anubɛ sibolo-gbɛrɛ siyaman minnu bi Yahudiyanuna dina rɔ, wonu bilara Pɔli anubɛ Banabasi fɛ. Kilayɛnu ya anu makawandi ko anu ni to Allata hinɛ rɔ.

Kɛwɔlɛnu 14:24

Pɔli anubɛ Banabasi tenbira Paisidiya nyamanɛ la tumɛ min, anu kera Pamfiliya nyamanɛ ma.

Kɛwɔlɛnu 15:38

kɔnɔ Pɔli yala, a ma bɛn wo ni ta anu fɛ bawo a ma ke ala wɔli labanna nun. A sɛgira nun ka anu boloka Pamfiliya nyamanɛ rɔ.

Kɛwɔlɛnu 16:6

Pɔli anubɛ a ta-nyɔgɛnu tara Parigiya anubɛ Kalesiya nyamanɛnu tɔ kɔnɔ Allata Ni-Sɛnimɛ ya a ragbɛ anu ye ko anu kana kawandili bɔ Esiya nyamanɛ rɔ.

Kɛwɔlɛnu 17:21

Ado nfan, Atɛn mɔgɛ bɛɛ anubɛ sundan minnu siginɛ nyɔ, a di wonu ye ka to ko-kurɛnu fɛsɛfɛsɛla anubɛ ka wonu wara-koe lamɔɛn.)

Kɛwɔlɛnu 18:2

A ya Yahudiya do taran nyɔ, a tɔgɛ Akuwila. A sɔrɔnta Ponta nyamanɛ rɔ. Anubɛ ala musi Purusila na-san le nun ka bɔ Itali nyamanɛ rɔ bawo Romu Nyamani-Kun-Tigi-Ba Kalodiyasi ara a fɔ nun ko Yahudiya bɛɛ ni bɔ Romu soe burɔ. Pɔli tara anu kɔndɔn tinɛ.

Kɛwɔlɛnu 18:23

A mɛra nyɔ doni. Wo kɔma, a tara Kalesiya anubɛ Parigiya nyamanɛnu tɔ ka nyɔ-dɛnkɛninya-mɔgɛ bɛɛ sɛnbɛ don.

Kɛwɔlɛnu 2:11

Yahudiya anubɛ sibolo-gbɛrɛ minnu bi Yahudiyanuna dina rɔ, wonubɛ ma ta-nyɔgɛnu bɔra Kariti anubɛ Arebiya nyamanɛnu tɔ. Hali wo, anu bi Allala kabana-ko-wɔlɛ fɔla min kɛ, ma ye wo lamɔɛnna ma nyɛrɛta kannu tɔ.”

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

Kɛwɔlɛnu 27:5

Kɔgɔ-yi min bi Salesiya anubɛ Pamfiliya nyamanɛnu dafɛ, ma ya wo tɛgɛ ka ke Maira soe dafɛ Lisiya nyamanɛ rɔ.

Kɛwɔlɛnu 28:15

Marita mɔgɛ do minnu bi Romu soe burɔ, wonu ya ma wara-koe lamɔɛn tumɛ min, anu nara fɔ feri-kɛ-tinɛ min tɔgɛ Apiyai anubɛ Sundan-Yiya-Bon-Sawɛ ye kan min ka ma labɛn. Pɔli ya wonu yen tumɛ min, wo ya a sɛnbɛ don. A ya baraka bira Alla ye.

Kɛwɔlɛnu 6:5

Kilayɛ wonu ya min fɔ wo la, wo ya nyama bɛɛ hɛnɛ. Woletɔ anu ya Sitifen yabɔ, kei min fanɛ dɛnkɛninyɛ anubɛ Allata Ni-Sɛnimɛ la, kɔni. Anu ya Filipi wo, Pokore wo, Naikeno wo, Taimon wo, Pamɛnasi wo, anubɛ Nikolasi fanan yabɔ. Nikolasi kɛ bɔra Antiyaki soe burɔ. Sibolo-gbɛrɛ le wo la kɔnɔ a donta Yahudiyanuna dina rɔ.

Kɛwɔlɛnu 6:9

Anu bi Yahudiya-dina-bɔn min kelela ko, “Mɔgɔ-Hɔrɔyanɛnutɛ,” mɔgɛ donu bɔra wo rɔ. Wonubɛ Yahudiya minnu bɔra Sairini soe burɔ wo, anubɛ Yahudiya minnu bɔra Alɛsandariya soe burɔ wo, wonu wulita Sitifen kan ma sɔsɔli sa tinɛ. Yahudiya do minnu bɔra Salesiya anubɛ Esiya nyamanɛnu tɔ fanan kofura anu ma Sitifen kan ma.

Romu 1:15

Woletɔ a sɔgɛ ye n na bɛrɛkɛ ka kibara-nyimɛ lake wole Romu kɛnu fanan ma.

Romu 1:7

Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

2 Timoti 1:17

A kera Romu soe ma nkɛkuna, Onɛsifora ya n nyinɛ dabira ha a ya n yen.

Lankɛnimayɛ 11:8

Anu Mari gbangbanta kɔlɔma ma kan min, anu furinu si sa kilɛ la so-wɛ wo rɔ. Soe wo misalɛ le Sɔdɔm soe la, ni wo ma, Iyipiti nyamanɛ.