Kɛwɔlɛnu 15:3 - ALLALA KUMƐ

³ Marita mɔgɛ minnu bi Antiyaki, wonu ya kɛnu nata Yerusalɛm. Wonu tenbira Finisiya anubɛ Samariya nyamanɛnu tɔ tumɛ min, sibolo-gbɛrɛnu yɛlɛmanta nya min Alla ye, anu ya dantɛgɛlɛ wo sa nyɔ-dɛnkɛninya-mɔgɛnu ye. Wo ya a ma, Mari Yisata mɔgɛ bɛɛ sewara bɛrɛkɛ!

Kɛwɔlɛnu 15:3 Iomraidhean Croise

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Kɛwɔlɛnu 13:52

Kɔnɔ dɛnkɛninya-mɔgɛ minnu bɔ-san Antiyaki, wonu fara sewɛ anubɛ Allata Ni-Sɛnimɛ la.

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Kɛwɔlɛnu 15:1

Pɔli anubɛ Banabasi ye Siriya-Antiyaki tumɛ min, mɔgɛ donu nara ka bɔ Yudiya nyamanɛ rɔ. Anu ya Marita mɔgɛnu karan ko mɔgɛ ti ke kisila fɔ a ni kemininya iko Musata tɔn ya a fɔ nya min.

Kɛwɔlɛnu 15:12

Nba, nyama bɛɛ ya anu tole masɔ kumɛ wo la a kin na! Alla ya kabana-koenu anubɛ tamasere min bɛɛ kɛ sibolo-gbɛrɛnu ye anuna wɔli fɛ, Banabasi anubɛ Pɔli ya wo bɛɛ rakaran anu ye.

Kɛwɔlɛnu 15:22

Nba, Yisata kilayɛnu wo, nyɔ-mɔgɔ-banu wo, anubɛ dɛnkɛninya-mɔgɛ bɛɛ, wonu ya a latɛgɛ ko anu ni mɔgɛ donu bɔ anu tɛma ka wonu nata Siriya-Antiyaki soe burɔ Pɔli anubɛ Banabasi fɛ. Anu ya mɔgɔ fila yabɔ minnu gbiliyanɛ Yisata mɔgɛnu bolo bɛrɛkɛ, Yudasi, anu si min kele fanan ko Basaba anubɛ Sailasi, kɔni.

Kɛwɔlɛnu 15:32

Yudasi anubɛ Sailasi minnu bi nɛbiyɛ la anu tɛma, wonu mɛra kumala Marita mɔgɛnu ye ka anu makawandi ka anu sɛnbɛ don.

Kɛwɔlɛnu 15:4

Anu kera Yerusalɛm tumɛ min, Marita mɔgɛnu wo, Yisata kilaya-toenu wo, anubɛ nyɔ-mɔgɔ-banu ya anu tabira a kin na! Alla ya koe min bɛɛ kɛ mɔgɛnu ye anuna wɔlɛ fɛ, anu ya wo bɛɛ rakaran mɔgɔ-ba wonu ye.

Kɛwɔlɛnu 17:15

Minnu tara Pɔli la, wonu bilara a fɛ fɔɔ Atɛn soe burɔ. Pɔli ya a sara anu na ko Sailasi anubɛ Timoti ni na a taran nyɔ yona. Anu sɛgira Bɛriya.

Kɛwɔlɛnu 20:38

A ya a fɔ min kɛ ko anu ti a yakɔrɛ yen tun, wo ya anu yisi tinya bɛrɛkɛ! Woletɔ anu tara a fɛ ha kulun-dɛ la.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Kɛwɔlɛnu 28:15

Marita mɔgɛ do minnu bi Romu soe burɔ, wonu ya ma wara-koe lamɔɛn tumɛ min, anu nara fɔ feri-kɛ-tinɛ min tɔgɛ Apiyai anubɛ Sundan-Yiya-Bon-Sawɛ ye kan min ka ma labɛn. Pɔli ya wonu yen tumɛ min, wo ya a sɛnbɛ don. A ya baraka bira Alla ye.

Kɛwɔlɛnu 8:14

Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Romu 15:24

A di n ye hali kaka, n ni ta ke wo ma. N tenbi tala Sipeni nyamanɛ rɔ tumɛ min, n si ke wo ma. N ba wati-kundu-ni kɛ wo fɛ diyanayɛ rɔ tumɛ min, wo si n madɛnbɛ tala nyɔ.

1 Kɔrɛnti 16:11

Mɔgɔ-wo-mɔgɔ kana a bɔrɔbɔ kɔnɔ wo ni a dɛnbɛ ala tagama rɔ yisi-kimɛ rɔ alako a si sɛgi n bara nya min. N bi ale anubɛ n na-kelen-nyɔgɛnu makɔnɔna.

1 Kɔrɛnti 16:6

N si wati do bɔ wo fɛ, ado tumado, n si dafere-kimɛ-wati bɛɛ bɔ wo fɛ. Woletɔ ni n tara kan-bo-kan wo kɔma, wo si ke n dɛnbɛna nta tagama rɔ.

2 Kɔrɛnti 1:16

n ya a latɛgɛ nun ko n tenbi tala Masidoniya, n ni wo kɔndɔn. N sɛgimatoe fanan, n ni wo kɔndɔn tun ka dɛnbɛnɛ sɔrɔn wo bolo nna tagamala ko la Yudiya nyamanɛ rɔ.

Taita 3:13

I raya ka Apalasi anubɛ n fɛkalɛ Sinasi dɛnbɛ ko anu ni kilɛ bira. Anu makoe taranta fan min bɛɛ la, i ni a ma, anu ni wonu sɔrɔn.