Kɛwɔlɛnu 13:6 - ALLALA KUMƐ

⁶ Anu tenbira yi-tɛma-dugi wo bɛɛ rɔ ka ta fɔɔ soe min tɔgɛ Pefasi. Anu ya kofo-dan do taran nyɔ min tɔgɛ Bara-Yisa. Yahudiya le min ya a nyɛrɛ ma nɛbi la.

Kɛwɔlɛnu 13:6 Iomraidhean Croise

1 Mansɛnu 22:22

Mari ya wo manyinika, a ko, ‘Ile si ke a yanfala kama?’ Melika wo ya a fɔ Mari ye ko, ‘Nde si ta a ma, Mansa Ehabula nɛbi bɛɛsi ni ma foninya-fɔlɛ la.’ Mari ya a fɔ a ye ko, ‘Awa, nba, ta! I ni yanfɛ sigi a la bawo n bara la a la ko ile si a nɔ le.’ ”

1 Ko-Kɔrɔta-Karan 10:13

Mansa Sɔli fagara bawo a bilara Mari le la. Yanni a ni Mari manyinika, a tara ke yi-kɔrɔ-fɛlɛnnɛ do ma. Wo ya yi-kɔrɔ-fɛlan kɛ a ye. Wo le ya a ma, Mari ya a ma, anu ya ale Sɔli faga. A ya mansayɛ bi ka a di Yɛsila den Dawuda ma.

Bɔ-Koe-Iyipiti 22:18

“Wo kana sɔn, suwagɛ ni to a niyi la.

Saraka-Masɔlɛnuta Tɔnnu 20:6

“Mari ko wo kana ta ke yi-kɔrɔ-fɛlɛnnɛnu ma ka hɛnkili sɔrɔn anu bolo. A ko ni min ya wo ma, a si a kan-kɔ sɔ wo tigi la. Mari ti a miri ko atɛ le wo mɔgɔ sufa la tun.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Matiyu 7:15

“Wo ni a ma wo fɛrɛma foninya-nɛbinuna ko la. Anu si a fɔ ko anu bi kumala Alla ye kɔnɔ anu foni. Anu kungban-kungban ye nala wo wara iko sagɛnu kɔnɔ anu sɔn mani de iko suluku-kɔnkɔtoe.

Maraka 10:46

Anu tara Yɛrikɔ soe burɔ. Yisa anubɛ ala karan-dannu anubɛ nyama-ba ye bɔla Yɛrikɔ tumɛ min, Timeyala dan min tɔgɛ Batameyasi, wo siginɛ kilɛ fɛ. Fiyɔn le ale la. A ye tarali kɛla.

Kɛwɔlɛnu 13:13

Pɔli anubɛ a ta-nyɔgɛnu donta kulɔn rɔ Pefasi soe dafɛ ka ta Pamfiliya-Pɛraga soe burɔ. Yɔni-Maraka ya anu boloka nyɔ ka sɛgi Yerusalɛm.

Kɛwɔlɛnu 13:8

(Bara-Yisa wo tɔgɛ le Ɛlimasi Kiriki-kan rɔ.) Kofo-dan wo ya anu sɔsɔ. A ya a sɛbɛ don alako sigisɔn-mansɛ ni a ban dɛnkɛninya-koe ma.

2 Kɔrɛnti 11:13

Kilayɛ wonu, kilaya-bɛrɛ ma anu na kɔnɔ anu bi anu nyɛrɛ mala iko Kirasitita kilayɛnu denu bi anu na serr! Foninya-kilayɛ le anu na minnu bi foninyɛ fɔla anuna wɔlɛla ko la.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

1 Yɔni 4:1

N diyana-mɔgɛnu, mɔgɛ min ko Allata Ni-Sɛnimɛ ye a bolo, wo kana la wo bɛɛ la fɔ ka a kɔrɔbɔ. Wo ni wo ma alako niyi min bi a bolo, wo ni a lɔn ni wo bɔnɛ Alla le bolo. Wo ni wo ma bawo foninya-nɛbi-siyaman bara wuli kan bɛɛ rɔ.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.