Kɛwɔlɛnu 13:5 - ALLALA KUMƐ

⁵ Anu ke Salamisi soe burɔ, anu ya Allala kumɛ fɔ anu ye Yahudiya-dina-bɔnnu na. Yɔni-Maraka tara anu fɛ ka anu dɛnbɛ.

Kɛwɔlɛnu 13:5 Iomraidhean Croise

1 Mansɛnu 19:21

Ilaisa tara ala sara-ninki filɛ wonu faga. Kɔlɔma min kirinɛ wonu kan ma, a ya wo ma soge wo tɛ-sɔgɛ la. A ya ninki-soge wo di mɔgɛnu ma, wonu ya wo dɔn. Wo kɔma, a bilara Nɛbi Ilaya fɛ. Ale mara wola karan dan la.

1 Mansɛnu 19:3

Nɛbi Ilaya kilanta dɔgɔma-ma-de! A ya a buri. Anubɛ ala wɔli-kɛlɛ tara Biri-Siba soe burɔ Yuda nyamanɛ rɔ. Anu ke nyɔ, a ya ala wɔli-kɛlɛ wo to nyɔ.

2 Mansɛnu 3:11

Mansa Yɛhosafati ya a fɔ anu ye ko, “Nɛbi sa yan min si Mari manyinika ma ye, wa?” Mansa Yɔramla kɛlɛ-den-kunyɛ do ko, “Safatila den Nɛbi Ilaisa ye yan. Nɛbi Ilayala karan-den le wo la nun.”

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Matiyu 20:26

Kɔnɔ a kana ma wo nya wole tɛma. Ni wo kelen bi a fɛ ka ma mɔgɔ-ba la, a ni ma wɔli-kɛlɛ la a toenu ye.

Kɛwɔlɛnu 12:12

A ya a nyɛrɛ lɔn tumɛ min, a tara Yɔni-Maraka na warɛ, Mariyama, kɔni. Mɔgɔ siyaman nadɛnnɛ nyɔ Alla matarala.

Kɛwɔlɛnu 12:25

Banabasi anubɛ Sɔli ya anuna wɔlɛ ban tumɛ min, anu bɔra Yerusalɛm soe burɔ ka sɛgi Antiyaki soe burɔ. Anu tara Yɔni-Maraka la anu bolo.

Kɛwɔlɛnu 13:14

A toenu bɔra Pɛraga ka ta Paisidiya-Antiyaki soe burɔ. Sulen-Tele ma, anu tara sigi Yahudiya-dina-bɔn la.

Kɛwɔlɛnu 13:46

Kɔnɔ Pɔli anubɛ Banabasi kumara yisi-latɛgɛ rɔ. Anu ko, “A fɛrɛ sa fɔ Allala kumɛ ni fɔ wole fɔlɔn ye. Kɔnɔ wo ara wo ban a la min kɛ, wo le ya a ragbɛ ma ye ko a ma bɛn, wo ni habadan-nimayɛ sɔrɔn. Woletɔ ma ye nala wo bolokala ka ta sibolo-gbɛrɛnu bara,

Kɛwɔlɛnu 14:1

Pɔli anubɛ Banabasi tara kawandili bɔ Yahudiya-dina-bɔn la Aikoniyam soe burɔ iko anu ya a ma Antiyaki soe burɔ nya min. Anuna kumɛ ya a ma, Yahudiya-nyama-ba anubɛ sibolo-gbɛrɛnu dɛnkɛninyara.

Kɛwɔlɛnu 15:37

A sɔgɛ ye Banabasi la ko Yɔni-Maraka ni ta anu fɛ

Kɛwɔlɛnu 17:17

Yahudiyanu anubɛ sibolo-gbɛrɛ minnu bi Alla batola anu nyɔgɔn fɛ nyɔ, Pɔli kumara anu ye anuna dina-bɔn la. Tele-wo-tele, min bɛɛ nara barɛ rɔ, a kumara wonu fanan ye.

Kɛwɔlɛnu 18:4

Sulen-Tele bɛɛ ma, a kumara Yahudiya-dina-bɔn la ka a raya ko Yahudiyanubɛ sibolo-gbɛrɛnu ni yɛlɛma ka ma dɛnkɛninya-mɔgɛnu na.

Kɛwɔlɛnu 19:22

A ya a dɛnbɛna filɛ lata Masidoniya nyamanɛ rɔ, Timoti anubɛ Irasiti, kɔni. Ale nyɛrɛ tora Esiya nyamanɛ rɔ wati-ni kɔrɔ.

Kɛwɔlɛnu 19:29

Sɔnkɔ-sɔnkɛ wo kɛra soe fan bɛɛ rɔ. Nyama ya Pɔli ta-nyɔgɛnu Keyasi anubɛ Aritaka bira minnu bɔra Masidoniya nyamanɛ rɔ. Anu burumatoe tara wonu na ladɛn tinɛ.

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

Kɛwɔlɛnu 9:20

Wo kɔma, a wulita ka ta Yahudiya-dina-bɔnnu na Yisala koe fɔ tinɛ anu ye. A ko Yisa le Allatalata dan la.

Kɔlɔsi 4:10

Aritaka min bi n dafɛ yele la yan, wo ye wo kɔndɔnna anubɛ Banabasi na-kelen-nyɔgɛ Maraka fanan. (N bara a fɔ wo ye nun ko a wa ke wo ma, wo ni a rabira a kin na!)

2 Timoti 4:11

Luka kelen pe le ye n fɛ yan. I tenbi nala, i ni na Maraka la i bolo bawo a si ke n dɛnbɛna wɔlɛ la.