Kɛwɔlɛnu 12:9 - ALLALA KUMƐ

⁹ Pita bilara a fɛ ka bɔ yele la. Hali wo, melika wo ya min bɛɛ ma, Pita ya a lɔn ko a ye ko-rayirɛ le yenna nun dɔrɔn.

Kɛwɔlɛnu 12:9 Iomraidhean Croise

Ko-Dabirɛnu 45:26

Anu ke anu fa ma, anu ya a fɔ a ye ko, “Yusufu ye a kɛndɛ la, yo! Ado nfan, ale le kun-tigiyɛ la Iyipiti nyamanɛ bɛɛ kun na.” Yakoba siginɛ tora tantulan! A ma la anu na hali!

Ko-Dabirɛnu 6:22

Nowa ya a ma iko Alla ya a fɔ a ye nya min.

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Yɔni 2:5

A na ya a fɔ nyɔ-wɔli-kɛlɛnu ye ko, “A wa min fɔ wo ye, wo ni wo ma.”

Kɛwɔlɛnu 10:17

Pita ye a hɛnkili lamirila ko-rayirɛ kɛ kɔrɛ ma wati min, Kɔniliyasi ya kei minnu sɔ, wonu bi Saimon karankɛla bɔn manyinikala, ado anu sɔnɛ sansan don-dɛ la.

Kɛwɔlɛnu 10:3

Lunyɛ do tele-makima-wati (3 pm), a ya Allala melika yen ko-rayirɛ rɔ. Melika wo ye donna ala bɔn la ka a rakele ko, “Kɔniliyasi!”

Kɛwɔlɛnu 11:5

A ko, “N bi Alla-matarɛ kun na Yapa tumɛ min, n ya ko-rayirɛ do yen. N ya fan do yen yigila min manɛ iko kura-belebele. A dunnɛ a tɔnkɔn nanɛ ma. A ye yigila ka bɔ Arinyɛni tɔ ka sɔ n dafɛ.

Kɛwɔlɛnu 12:8

Melika ko, “I ni i mabɛn ka ila sanbarɛ don i kian rɔ.” Pita ya wo ma. Melika ko, “Ila duruki don i kan la ka bila n fɛ.”

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.

Kɛwɔlɛnu 9:10

Yisata mɔgɛ do ye Damasika nun, a tɔgɛ Ananayasi. Mari kumara wo ye ko-rayirɛ rɔ ko, “Ananayasi.” A ya a labira ko, “Mari, n bi yan.”

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.