Kɛwɔlɛnu 10:4 - ALLALA KUMƐ

⁴ A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 10:4 Iomraidhean Croise

2 Ko-Kɔrɔta-Karan 32:24

A ma mɛ wo kɔma, Mansa Hɛsakaya kirayara. A tora doni, a ni faga. A ya Mari matara, woletɔ Mari ya tamasere di a ma ka a yira a la ko a si kɛndɛya.

2 Ko-Kɔrɔta-Karan 6:33

i ni ala matarali-kan wo lamɔɛn i warɛ Arinyɛni tɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn wo rɔ ko n bara Bato-Bɔn min sɔ kɛ la, a bɛnta, bɛɛ ni i bato nyɔ.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 20:3

Alamɛ a ya a fonde lamiri wola kɔ-fannu ma ka sɔn wola saraka-mintantɛnu na.

Aiseya 43:26

Mari ko ma dama ni ta kiti-bɔn la ka a maburi nyɔ rɔ. Ma ni mala kiti layɛlɛ ka a yira ko yoe ye ma bolo.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Daniyɛli 10:11

Melika wo ya a fɔ n ye ko, “Ile Daniyɛli, i di Alla ye. I lasɔ. I ni i tole masɔ n kuman-kan kɛ la n bi min fɔla i ye. Alla le ya n sɔ i wara.” Wo ban kɛ fɔla, n ya n nasɔ kɔnɔ ha bi, n bi yɛrɛyɛrɛnna.

Saraka-Masɔlɛnuta Tɔnnu 2:2

Dɛgɛ-munke min yabasannɛ tuli kɛ la, saraka-masɔlɛ si a bolo-nya kelen bi ka a sa tɛ rɔ anubɛ isɛnti. Wo sumɛ si diya Mari ye. Bolo-nya kelan wo si ma iko a ya a damasi mintan Mari ye.

Malakayi 3:16

Wo kɔma, minnu bi Alla gbiliyala, wonu bi kirabɔla anu nyɔgɔn na. Mari ye a wɔlɔ matɔlɔla wonu na. Anu bi min bɛɛsi fɔla, a ye wonu namɔɛnna. Mɔgɛ min bɛɛsi ye Alla gbiliyala, wonu tɔgɛ sɛbɛnɛ Allata hɛnkili-lamiri-buku rɔ.

Matiyu 26:13

Nba, wo ni wo hɛnkili to kɛ ko! Kibara-nyimɛ kɛ kawandilɛ wa bɔ duninya kan tinɛ min bɛɛ rɔ, musi kɛ ara min kɛ, mɔgɛnu si wo fɔ alako wo si to mɔgɛnu yili ma nya min.”

Luka 1:29

Ka a tɛgɛ melikala kumɛ ma, Mariyama kɔndɔfilita kati! A tora a mirila kumɛ wonu kɔrɛ ma.

Luka 24:5

Musinu kilanta kati! Anu ya anu maburun dugi ma. Kei wonu ya a fɔ anu ye ko, “Nfenna ko la, wo ye mɔgɔ-kɛndɛ nyinina mɔgɔ -faganɛnu tɛma?

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

Kɛwɔlɛnu 22:10

N ya nyinikalɛ kɛ ko, ‘Mari, n ni nfen ma?’ Nba, Mari ya n yabi ko, ‘I lasɔ. I ni ta Damasika. Alla ara koe min bɛɛ latɛgɛ ile ye, wo bɛɛ si fɔ i ye nyɔ.’

Kɛwɔlɛnu 3:4

Anu ya a mafɛlɛn sin! Pita ko, “I yɛ lana! Ma mafɛlɛn.”

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Lankɛnimayɛ 8:4

Fen-suma-diyama-mintan-sisi wonubɛ Allata mɔgɛnuta madiyali-kan, wonu yɛlɛta anu nyɔgɔn fɛ melika wo bolotɔ min sɔnɛ Alla yakɔrɔ.

1 Samuwɛli 3:10

Mari nara a sɔ nyɔ ka a rakele tun. A ko, “Samuwɛli, Samuwɛli!” Samuwɛli ya a yabi ko, “Kuma, ita wɔli-kɛlɛ tole masɔnɛ i la.”