Kɛwɔlɛnu 10:2 - ALLALA KUMƐ

² Dina-mɔgɛ le fanan. Ale anubɛ ala denbayɛ bɛɛ ye Alla batola, ado a duruta Yahudiya bolo-kolɔnnu dɛnbɛna bɛrɛkɛ! A ye Alla madiyala tuma-wo-tuma kɔnɔ Yahudiya ma.

Kɛwɔlɛnu 10:2 Iomraidhean Croise

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

1 Mansɛnu 8:43

i ni ala matarali-kan wo lamɔɛn san-kole rɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn worɔ ko n bara Bato-Bɔn min sɔ kɛ la, a bɛnta bɛɛ ni i bato nyɔ.

2 Ko-Kɔrɔta-Karan 6:33

i ni ala matarali-kan wo lamɔɛn i warɛ Arinyɛni tɔ. I ni anu makoe nyinya iko anu bi a fɔla i ye nya min. Woletɔ duninya-mɔgɛ bɛɛ si i tɔgɛ lɔn ka ila kumɛ bira iko Isirɛla mɔgɛnu bi ila kumɛ birala nya min. Anu si a lɔn wo rɔ ko n bara Bato-Bɔn min sɔ kɛ la, a bɛnta, bɛɛ ni i bato nyɔ.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yobu 1:5

Anu ba ladiyɛ kɛ, banda wa ka, Yobu si suri a lasɔla sɔgɔma ka sarakɛ bɔ ala dan kelen-kelennamɛ wo bɛɛ ye alako wonu ni sɛninya Alla yala. A ye wo mala bawo a ye a mirila ko tumado ala dan do ara Alla lafɛya, a sa min kalama.

Yaburi 102:15

Sibolo-gbɛrɛnu bi kilanna Mari tɔgɛ la. Duninya-mansɛ bɛɛ kilannɛ ata sɛnbɛ la.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 25:5

N karan alako n ni i sako lɔn ka a bira bawo ile le nta Alla la min si n kisi. N lanɛ i la tumɛ bɛɛ.

Yaburi 41:1

Mɔgɔ-sewanɛ le wo tigi la min si kinikini bolo-kolɔnnu ma bawo anu denu fanan tenbi yakɔrɔ-mamɔɛ rɔ, Mari si anu dɛnbɛ.

Yaburi 55:17

Su-ni-tele, nta yasere-masɛ ye kɛla a ma, ado fɔ a wa n kan lamɔɛn de, yɔ!

Yaburi 86:3

E, Mari, i ni kinikini nde ma. Telen-gbɛn, n bi i madiyala.

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Makawandili Kumɛnu 7:18

I kana nyimayɛ anubɛ wunduyogoyɛ matuntun anu nyɔgɔn ye. A bɛɛ ra ni kɛnya i bolo bɛrɛtɛ! Ni i kilanta Alla la, i bɔra fenfen wara-koe rɔ, i si ta yarɔ ma.

Aiseya 59:19

Wo si a ma, tele-yigi warala-mɔgɛnu ni kilan Mari la. Tele-bɔɛ-warala-mɔgɛnu ni a gbiliya. Mari si na tiriya iko bɛ fanɛ ye yigila a burila nya min, ado Mari karata fɔnyɔ le ye a mala, bɛ ye yigila fanka la wo nya na.

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Daniyɛli 6:16

Wo le ya a ma, mansɛ ya a fɔ ko Daniyɛli la ni kɛ yarɛnu kɔrɔ. Nba, anu nara Daniyɛli la ka a lafili yarɛnu kɔrɔ. Mansɛ duwara ale Daniyɛli ye ko, “Ile ye Alla min batola tuma-wo-tuma, alamɛ wo ya i kisi.”

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Matiyu 25:17

Wɔli-kɛlɛ min fanan ya sɛnɛ-bɔrɔ fila sɔrɔn, wo fanan ya a ma wo nya le. A ya bɔrɔ-fila-gbɛrɛ sɔrɔn tɔnɛ la.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Luka 2:25

Mɔgɛ do ye Yerusalɛm soe burɔ nun min tɔgɛ Simiyɔn. Mɔgɔ-nyimɛ le, a telennɛ. A ye Isirɛlata kisi-koe makɔnɔna nun, ado Allata Ni-Sɛnimɛ ye a fɛ.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 10:35

Min ba kilan a la ka ko-latelennɛ kɛ, a si mɔgɛ wo rabira, a mara mɔgɔ su-wo-su la.

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 10:7

Wo kɔma, melika wo tara. Kɔniliyasi ya ala bonna-wɔli-kɛlɛ mɔgɔ fila kele. Ala kɛlɛ-dan min bi a kandanna, a ya wo fanan kele, ado dina-mɔgɛ le wo fanan na.

Kɛwɔlɛnu 11:14

A ko a si kumɛnu fɔ a ye anubɛ ala denbayɛ bɛɛ si kisi min fɛ.

Kɛwɔlɛnu 13:16

Nba, Pɔli ya a sɔ ka a bole sa a dɛ la ko anu ni anu tole masɔ. A ya a fɔ anu ye ko, “Wole Isirɛla kɛnu anubɛ sibolo-gbɛrɛ minnu bi Alla batola yan, wo ni wo wɔlɔ matɔlɔ n kan la!

Kɛwɔlɛnu 13:26

“Nba, n na-kelen-nyɔgɛ Isirɛla mɔgɛnu, Iburayima bɔnsɔnnu, wobɛ sibolo-gbɛrɛ min bi Alla batola yan, Alla ya male sɔ ko wo ni a lɔn wo si kisi nya min, ado bɛɛta sarakanɛ le wo la.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 18:8

Yahudiyanuna dina-bon-kun-tigi Karisipa, wonubɛ ala denbayɛ bɛɛ dɛnkɛninyara Mari ma. Kɔrɛnti kɛ siyaman ya Allala kumɛ lamɔɛn. Anu siyaman dɛnkɛninyara ka batasi.

Kɛwɔlɛnu 2:5

Wo wati ya a taran, Yahudiya siyaman bi Yerusalɛm nyɔ nun. Alla-batoli-bɛrɛ le Yahudiya wonu na minnu nara ka bɔ duninya-tonko-nanɛ bɛɛ rɔ.

Kɛwɔlɛnu 22:12

“Kei do ye nyɔ nun, a tɔgɛ Ananayasi. Mɔgɔ-telennɛ le min si Nɛbi Musata tɔn bɛɛ bira. Yahudiya min bɛɛ siginɛ Damasika, wonu si a gbiliya bɛrɛkɛ!

Kɛwɔlɛnu 9:11

Mari ya a fɔ a ye ko, “I ni i rabɛn. I ni ta Yudasila bɔn la kilɛ dafɛ min tɔgɛ Kila Telennɛ. I ni Tarasa kɛ Sɔli manyinika. A ye madiyali kɛla nyɔ.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

1 Tɛsalonaika 5:17

Wo kana kuri Alla matara tinɛ.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Lankɛnimayɛ 15:4

Mari, yon ti kilan i la? Yon si a ban ila gbiliya-fɔ-koe ma? Ado nfan, i kelen pe le sɛnima. Sibole bɛɛ si na ka batolɛ kɛ i yakɔrɔ bawo mɔgɛ bɛɛ ara ila telenbagaya-kɛwɔlɛnu tayen.”