Kɛwɔlɛnu 10:11 - ALLALA KUMƐ

¹¹ A ya Arinyɛnɛ dɛ lakanɛ yen. Fan min manɛ iko kura-belebele, a ya wo yen yigila. A dunnɛ a tɔnkɔn nanɛ ma ha ka yigi dugi ma.

Kɛwɔlɛnu 10:11 Iomraidhean Croise

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 56:8

Ma Tigi Mari min ya wole Isirɛla mɔgɛnu kunyɛ bɔ birɛ rɔ, wo ko a si ala mɔgɔ-kundɛnnɛnu makofu tun.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Matiyu 8:11

Wo ni wo hɛnkili to kɛ ko! Mɔgɔ siyaman si na ka bɔ duninya fan bɛɛ rɔ ka ladiyɛ kɛ Iburayima anubɛ Isiyaka anubɛ Yakoba fɛ Allata mansayɛ rɔ min bi Arinyɛni tɔ.

Luka 3:21

Yɔni banta sɛrɛ bɛɛ batasila lunyɛ min, wo kɔma, a ya Yisa fanan batasi. Yisa ye Alla madiyala tumɛ min, Arinyɛnɛ dɛ lakara.

Yɔni 1:51

Yisa ya a fɔ anu ye ko, “N bi tonyɛ fɔla wo ye, wo si Arinyɛni dɛ-lakanɛ yen. Allata melikanu bi yigi-ni-yɛlɛ kɛla nde, Hadama-dan wara la!”

Yɔni 11:52

ado a sa fagala Yahudiyanu dɔrɔnna ko la. Kɔnɔ a si faga alako Allala mɔgɛ bɛɛ min tanyɛnsɛnnɛ, a si wonu nadɛn kan-tina-kelen ka anu ma kelen na.)

Yɔni 12:32

Anu ba n nayɛlɛ san ma tumɛ min ka bɔ duninya kɛ rɔ, n si mɔgɛ bɛɛ madon n na.” (

Kɛwɔlɛnu 10:12

Sogo-su siyaman anubɛ sagan-fannu anubɛ konanu bi a rɔ.

Kɛwɔlɛnu 11:5

A ko, “N bi Alla-matarɛ kun na Yapa tumɛ min, n ya ko-rayirɛ do yen. N ya fan do yen yigila min manɛ iko kura-belebele. A dunnɛ a tɔnkɔn nanɛ ma. A ye yigila ka bɔ Arinyɛni tɔ ka sɔ n dafɛ.

Kɛwɔlɛnu 7:56

A ko, “Wo yɛ lata. N bara Arinyɛnɛ dɛ lakanɛ yen. Hadama-den, Yisa, sɔnɛ Alla kɔɛn-nyimɛ rɔ!”

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Kalesiya 2:15

Kebi ma bakuri, Yahudiya le ma la. Hakɛ-tigi ma male la iko anu bi min fɔla wole sibolo-gbɛrɛnu ma.

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Lankɛnimayɛ 11:19

Alla-Bato-Bɔn min bi Arinyɛni tɔ, wo lakara. Tɔn-kenkirɛ ye kan min, bɛɛ si ke wo yenna Alla-Bato-Bɔn wo la. Wo kɔma, bandɛ ya a nyin masɔgɔ. A tugura. San serenta. Dugu yɛrɛyɛrɛnta. Banda-kolo-wɛnu buira.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”