Kɛwɔlɛnu 1:7 - ALLALA KUMƐ

⁷ Yisa ya a fɔ anu ye ko, “Wati wonubɛ anu kɛ-tumɛ, n Fa Alla ara wonu natɛgɛ a nyɛrɛta sɛnbɛ la. Alla sa a fɛ, wo ni wonu kɛ-tumɛ lɔn.

Kɛwɔlɛnu 1:7 Iomraidhean Croise

Yobu 24:1

A bɛnta Alla Sɛnbɛ-Bɛɛ-Tigi ni wati-yɔnyɔn sa hadama-dan kiti-tɛgɛ-koe rɔ, ado ata mɔgɛnu sa a yenna karagbɛlɛnu kiti tɛgɛla.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

Matiyu 20:23

Yisa ya a fɔ anu ye ko, “Tonyɛ le, wo si tɔrɔyɛ wo sɔrɔn yɔ, kɔnɔ min si sigi n bolo-nyimɛ anubɛ n bolo-maran rɔ, sɛ sa nde ye ka wo yabɔ. N Fa Alla ara kan-tinɛ wonu tabɛn minnu ye, wonutɛ le.”

Matiyu 24:36

“Mɔgɔ-wo-mɔgɔ ma wo tele lɔn, ni wo ma, a wati, hali melika minnu bi Arinyɛni tɔ. Nde Allata Dan, nde fanan ma wo lɔn fɔ n Fa kelen pe, wo le ya a lɔn.

Maraka 10:40

Kɔnɔ min si sigi n bolo-nyimɛ rɔ anubɛ n maran rɔ, sɛ sa nde ye ka wo yabɔ. Alla ara minnu yabɔ, a ara dinkirɛ wo rabɛn wonu denu ye.”

Maraka 13:32

“Koe kɛ bɛɛ si ma wati min, mɔgɔ-wo-mɔgɔ ma wo tele lɔn, ni wo ma, a wati, hali Arinyɛnitɔ-melikanu. Hali nde, Allata Dan, n ma a lɔn fɔ n Fa kelen pe, wo le ya a lɔn.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Kɛwɔlɛnu 17:26

A ya mɔgɔ-su bɛɛ dan ka bɔ mɔgɔ kelen tɔ ka anu nasigi dugu-kole bɛɛ kuma. Ale nyɛrɛ ya anuta watinu anubɛ anuna sigi tinɛnu dan latɛgɛ kebi fɔlɔ.

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”

1 Timoti 6:15

Mɔgɛnu bi Alla min gbiliyala, ma kun-tigi-kelan, kɔni, wo si Kirasiti labɔ gbɛ rɔ a nyɛrɛta wati-latɛgɛnɛ rɔ. Allatala le mansɛnuna Mansɛ la anubɛ marinuna Mari.

2 Timoti 3:1

I hɛnkili to kɛ ko! Ko-gbɛlɛmɛnu si kɛ tele-labannu tɔ.