Kɛwɔlɛnu 1:3 - ALLALA KUMƐ

³ Ata sayɛ kɔma, a ya a nyɛrɛ yira anu na tumɛ siyaman tamasere-gbɛnɛ siyaman fɛ alako anu ni a lɔn yati, ko a la ara wuli. Anu ya a kɛndɛ yen tele bi-nani kɔrɔ. A ya Allala mansayɛ wara-koe fɔ anu ye.

Kɛwɔlɛnu 1:3 Iomraidhean Croise

1 Mansɛnu 19:8

Nɛbi Ilaya ya a lasɔ tun ka fen dɔn. Wo le ya a ma, a ya sɛnbɛ sɔrɔn. Su bi-nani tele bi-nani, a ye tagamana ka ta Allata kɔnkɛ kuma, Sinayi, kɔni.

Matiyu 21:43

Woletɔ n bi a fɔla wo ye. Allala mansayɛ si bi wole bolo ka di wonu ma minnu si ko-latelennɛ ma. [

Matiyu 28:9

Tiriyante wo rɔ, Yisa ya anu nabɛn kilɛ la. A ko, “Yisi-kimɛ ni to wo fɛ.” Anu ya a kian bira a bato-koe la.

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 4:2

Yisa ya tele bi-nani, su bi-nani bɔ tumɛ min a ma fen dɔn, kɔnkɛ ya a bira.

Maraka 16:19

Mari Yisa banta kumala anu ye tumɛ min, a layɛlɛta Arinyɛni tɔ ka a mayigi Alla kɔɛn-nyimɛ rɔ.

Yɔni 20:26

Lɔgɔkun kelen wo kɔma, Yisala karan-dannu ya anu nadɛn bɔn la tun, Tamasi ye anu fɛ. Bon-rasɔgɔnɛ anu bolo. Yisa nara sɔ anu tɛma tun. A ko, “Alamɛ wo ya yisi-kimɛ sɔrɔn.”

Yɔni 21:1

Wo kɔma, Yisa ya a nyɛrɛ yira ala karan-dannu na tun Taibiriya dalɛ dafɛ. A ya a nyɛrɛ yira anu na nya min, wo le kɛ la.

Yɔni 21:14

Yisa lawuli kɔmɛ ka bɔ furinu tɛma, a sawa nyɔgɔn le kɛ la, a ya a nyɛrɛ yira ala karan-dannu na.

Kɛwɔlɛnu 13:31

Anubɛ ala karan-dan minnu bɔra Kalili sigisɔn rɔ ka ta Yerusalɛm, a ya tele siyaman kɛ wonu fɛ, ado wonu denu bi sereyɛ bɔla Isirɛla mɔgɛnu ye kaka.

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Kɛwɔlɛnu 28:31

A ya Allala-mansayɛ-kawandili bɔ ka mɔgɛnu karan Mari Yisa, Allata-Mɔgɔ-Yabɔnɛla koe la. A kumara yisi-latɛgɛ bɛɛ rɔ. Mɔgɔ-wo-mɔgɔ ma a lakala.

Kɛwɔlɛnu 8:12

Kɔnɔ Filipi ya Allala mansayɛ anubɛ Allata-Mɔgɔ-Yabɔnɛ wo kibara-nyimɛ lake tumɛ min, anu dama dɛnkɛninyara ka batasi, a keima wo, a musuma wo.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Tɔn-Fɔɛ-Fila-Nyɔgɛ 9:9

Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

1 Yɔni 1:1

Ma ye kɛdi kɛ sɛbɛla wo ma ka a tɛgɛ wo “Kumɛ” ma min si nimayɛ di mɔgɛnu ma. “Kumɛ” wo ye nyɔ kebi duninya dabirɛ. Ma ara a lamɔɛn nun, ma ara a yen ma yɛ la, ado ma ara a mafɛlɛn ka ma bole maga a la.