3 Yɔni 1:2 - ALLALA KUMƐ

² N diyana-mɔgɛ, n bi Alla madiyala ko koe bɛɛ ni ta a kilɛ fɛ i bolo. Alamɛ i kɛndɛyara iko i sɔndɔmɛ kɛndɛ ye nya min.

3 Yɔni 1:2 Iomraidhean Croise

Matiyu 9:12

Yisa ya anu kan lamɔɛn nkɛkuna, a ya a fɔ anu ye ko, “Mɔgɛ minnu kɛndɛ, wonu mako sa bɛsi-bɔlɛ la fɔ minnu kirɛ.

Filipai 2:27

Tonyɛ le, a kirayara le. A tora doni, a ni faga kɔnɔ Alla kinikinita a ma, ado ni a lakirayara wo nya, wo si ma tɔrɔya-dan-natenbinɛ la n bolo. Alla ya n tanka wo ma ka kinikini nde fanan ma.

Filipai 2:4

Wo kana to hɔnna wo nyɛrɛ la dɔrɔn, wo ni hina doinu fanan na.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

Yemesi 5:12

N na-kelen-nyɔgɛnu, kuma-kolomɛ le kɛ la. Wo tenbi lanyiri kirila tumɛ min, wo kana wo gboro. Wo kana wo gboro san-kole rɔ, ni wo ma, dugu-kole rɔ, ni wo ma fanan, fenfen tɔ. Wo ni a fɔ dɔrɔn ko, “Ɔnde,” ni wo ma, “Ade.” Wo le ya a to, wo ti hakɛ kɛ ka yiliki sɔrɔn Alla bolo.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 3:18

Kɔnɔ wo ni to koloyala ma Mari anubɛ ma Kisilɛ Yisa Kirasitita hinɛ anubɛ a lɔn-koe rɔ. Gbiliyɛ ni di ale ma habadan! Amina.

3 Yɔni 1:1

Kɛdi kɛ bɔra nde, kɛmɔgɛ le bolo, ka a lata n diyana-mɔgɛ Keyasi ma min di n ye bɛrɛkɛ!

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.