2 Samuwɛli 9:7 - ALLALA KUMƐ

⁷ Mansa Dawuda ya a fɔ a ye ko, “Hali i ma kilan. N si ko-nyimɛ kɛ i ye ka a tɛgɛ i fa Yonatanna ko ma. N si i benba Mansa Sɔli halala-dugi bɛɛsi lasɛgi ile ma. N si a ma, ma ni to ma de-nyinina kan-tina-kelen.”

2 Samuwɛli 9:7 Iomraidhean Croise

Ko-Dabirɛnu 43:18

Yusufu kɔrɔ wonu kilanta bawo anu bara anu nadon Yusufula bɔn la. Anu ko, “Ni i ya a yen anu bara ma ladon bɔn la yan, ma ya wodi minnu yen mala bɔrɛnu tɔ nun, anu bara ma ladon yan ka a tɛgɛ wodi wo lela ko la. Tumado a ye fɛrɛ nyinina ka bui ma ma ka mala sofɛlɛnu bi ma bolo alako ka ma ma yɔɔnnu na.”

Ko-Dabirɛnu 43:23

Wɔli-kɛlɛ wo ya a fɔ anu ye ko, “Wo ni wo yisi-kimɛ. Wo kana kilan. Wobɛ wo fata Alla, wo le ya nɔnfuli di wo ma wola bɔrɛnu tɔ. Wo ya wola dɔn-fen-sɔnkɛ minnu nabɔ, wo donta nde le bolo nun.” Wo kɔma, wɔli-kɛlɛ wo ya Simiyɔn nabɔ yele la.

2 Samuwɛli 12:8

Wo kɔma, a ko a ya Mansa Sɔlila musinu anubɛ ala nyamanɛ di i ma. A ko ale le ya i ma mansɛ la Isirɛla anubɛ Yuda nyamanɛ fanan kun na. A ko ni wo ma i wasa, a si wonu nyɔgɔn fila di i ma nun.

2 Samuwɛli 19:28

A bɛnta nun, i ni n fala kebilɛ bɛɛsi lato kɔnɔ hali wo, ile ara i don n dunɛ kɔrɔ ka ma de-nyini kan-tina-kelen. N tigi, a ma bɛn, n ni i manyinika ko-nyima-wo-ko-nyima ma tun.”

2 Samuwɛli 19:29

Mansɛ ya a fɔ a ye ko, “Hali i ma fenfen fɔ tun, i wara min fɔ kɛ la, wo ara a bɔ. N bara ban a latɛgɛla ko wobɛ Saiba ni i benbala wɔli-kɛ-tinɛnu tatala wo nyɔgɔn na.”

2 Samuwɛli 19:33

Mansɛ ya a fɔ a ye ko, “Bila n fɛ Yerusalɛm. N si i dunɛ bi.”

2 Samuwɛli 21:7

Kɔnɔ Mansa Dawuda ma sɔn Mansa Sɔli mamanɛ Mɛfibasɛti donna anu bolo ka a tɛgɛ anubɛ Yonatan ya lanyiri min kiri anu nyɔgɔn tɛma Mari yala.

2 Samuwɛli 9:1

Lunyɛ do, Mansa Dawuda ya nyinikalɛ sa. A ko, “Mansa Sɔli ya mɔgɛ do to le a kɔma, wa? Ni mɔgɛ tora le, a sɔgɛ ye n na, n ni ko-nyimɛ kɛ wo tigi ye Yonatanna ko la.”

2 Samuwɛli 9:10

Wobɛ ila dannu anubɛ wola yɔɔnnu si to wɔlila wo tigi Mansa Sɔlila dugi rɔ. Wo ye ki-fan minnu tɛgɛla nyɔ, wo si na wonu na ka wonu ma Mansa Sɔlila denbayɛ beli-fan la. Kɔnɔ malebɛ ale Mɛfibasɛti si to fen-dɔn-kɛla kan-tina-kelen.” (Den-kei tan-ni-loli le Saiba bolo nun. Wo kɔma, yɔɔn mɔgɔ mogan de ye a bolo fanan.)

2 Samuwɛli 9:11

Saiba ko, “N tigi, i ya fenfen fɔ, n si wo ma le.” Mɛfibasɛti tora fen-dɔn-kɛla Mansa Dawuda fɛ iko a halala dan.

2 Samuwɛli 9:13

Ale Mɛfibasɛti min kin filɛ bɔnɛ a kɔrɔ, a tora fen-dɔn-kɛla Mansa Dawuda fɛ Yerusalɛm soe burɔ.

2 Samuwɛli 9:3

Mansɛ ya a manyinika tun ko, “I ya Mansa Sɔlila kebila-mɔgɛ do lɔn min bi a kɛndɛ la kaka? N bi a fɛ ka ko-nyimɛ kɛ wo ye iko n bara lanyiri kiri Alla ye nya min nun” Saiba ya a fɔ a ye ko, “Yonatanna den kelen de nyɔ. Namarɛ le wo la.”

1 Mansɛnu 2:7

“Kɔnɔ i ni ila keninteyɛ yira Basilayila dannu na minnu siginɛ Kaliyadi nyamanɛ rɔ. N ya n buri i kɔrɔ Abasalɔm kɔrɔ tumɛ min, wonu denu ya n tabira a kilɛ fɛ. Woletɔ i ni i hɛnkili to wonu ko.

2 Mansɛnu 25:29

Ale mansɛ ya a rabɛn ko Mansa Yɛhoyasin ni yelela fanɛnu bɔ a ma. Ale mansɛ ya a rabɛn tun ko Mansa Yɛhoyasin kɛ ni to a de-nyinina ale mansɛ warɛ bɔn la a siyi-tele-bɛɛ kɔrɔ.

Yaburi 41:9

Hali n lara n kenite-bɛrɛbɛrɛ min na, ma ye ma bole layigila miran kelen tɔ, wo fanan bara a kan-kɔ sɔ n na.

Yɛrɛmaya 52:33

Ale mansɛ ya a rabɛn ko Yɛhoyasin ni yelela fanɛnu bɔ a ma. Ale mansɛ ya a rabɛn ko tun ko Yɛhoyasin kɛ ni to a de-nyinina ale mansɛ wara bɔn la a siyi-tele-bɛɛ kɔrɔ.

Matiyu 6:11

I ni bita dɔn-fan di ma ma.

Luka 22:30

Wo si wo de-nyini nna tebulu la nna mansayɛ rɔ ka wo sigi mansaya-waganɛnu tɔ Isirɛla bɔnsɔn tan-ni-filɛ kiti tɛgɛ tinɛ.”

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.

1 Samuwɛli 20:15

i ni to i mirila ko-nyimɛ ma nna denbayɛ wara la fanan burubukai! Hali i yoge damasi latora, i ni to i mirila ko-nyimɛ ma nna denbayɛ wara la.

1 Samuwɛli 22:23

Dawuda ya a fɔ a ye tun ko, “Hali i ma kilan. To n fɛ. Mɔgɛ min bi ile faga-koe rɔ, nde fanan faga-sɔgɛ ye wo la. I si kanan nde fɛ.”