2 Samuwɛli 8:8 - ALLALA KUMƐ

⁸ Wo kɔma, Bɛta soe anubɛ Bɛrotati soe minnu bi Mansa Hadadisa kɔrɔ, Mansa Dawuda ya sila siyaman bi wonu bolo.

2 Samuwɛli 8:8 Iomraidhean Croise

2 Samuwɛli 8:7

Sɛnɛ-walan minnu bi Mansa Hadadisala mɔgɔ-banu bolo, a ya wonu bi ka ta anu na Yerusalɛm.

1 Mansɛnu 11:23

Alla ya a ma, Ilayadala den Reson wulita Mansa Silamɛni kan ma fanan. Mansa Hadadisa min bi Soba nyamanɛ kun na, Mansa Dawuda ya wo nɔ kɛlɛ rɔ nun anubɛ Siriya kɛlɛ-dan minnu nara a dɛnbɛ tinɛ kɛlɛ rɔ. Wo kɔma, ale Reson ya a buri Mansa Hadadisa kɔrɔ nyɔ le. A tara ma mɔgɔ-mabuilɛnuna kun-tigi la. Anubɛ ala keminɛ wonu tara sigi Damasika soe burɔ. Anu tara a ma Siriya mansɛ la nyɔ rɔ.

1 Ko-Kɔrɔta-Karan 18:1

Wati tenbinɛ, Mansa Dawuda tara bui Filisitinu ma tun. A ya anu nɔ ka anuna so-karantan bi anu bolo min tɔgɛ Kati anubɛ so-mɛsɛ-nɛ minnu bi wola foolɛ rɔ.

1 Ko-Kɔrɔta-Karan 18:8

Wo kɔma, Tebahati soe anubɛ Kuni soe minnu bi Mansa Hadadisa kɔrɔ, Mansa Dawuda ya sila-siyaman bi nyɔ-mɔgɛnu bolo. (Yarɔma, Mansa Silamɛni si silɛɛ kɛnu ma yi-sigi-kunan anubɛ sɛnbɛrɛn-kɔn anubɛ miran donu na Alla Bato-Bɔnla ko la.)

1 Ko-Kɔrɔta-Karan 22:14

N bara n taya Bato-Bɔn sɔ-miran wara-koe rɔ. N bara sɛnɛ min nadɛn, wonubɛ fui-fan bɔrɔ waga bi-lolila (5,000) gbiliyɛ rakɛn de! N bara wodi-gbɛ min nadɛn, wonubɛ fui-fan bɔrɔ waga kɛmɛ lolila (50,000) gbiliyɛ rakɛn de! N bara nɛgɛ-kundi anubɛ silɛɛ minnu nadɛn, wonu siya. Dan sa a la. N bara kɔlɔmanu anubɛ kurinu nyini kɔnɔ fɔ ile fanan ni do nyini tun.

1 Ko-Kɔrɔta-Karan 29:7

Anu ya minnu nadɛn Marita Bɔn sɔ-koe rɔ ka a sa mansɛtɛ kuma, wo le kɛnu na. Anu nara sɛnɛ la minna gbiliyɛ anubɛ fui-fan bɔrɔ waga fila ani kɛmɛ loli anubɛ bɔrɔ kelenta (2,501) gbiliyɛ rakɛn. Anu nara wodi-gbɛ la minna gbiliyɛ anubɛ fui-fan bɔrɔ waga lolila (5,000) gbiliyɛ rakɛn. Anu nara silɛɛ la minna gbiliyɛ anubɛ fui-fan bɔrɔ waga kɔnɔntɔla (9,000) gbiliyɛ rakɛn. Anu nara nɛgɛ la minna gbiliyɛ anubɛ fui-fan bɔrɔ waga bi-lolila (50,000) gbiliyɛ rakɛn.

Isikiyɛli 47:16

Wo kɔma, wo le ye tala a labilala Bɛrotati soe anubɛ Sibarayim soe ma. (Soe wonu bi Damasika anubɛ Hamati nyamanɛnu tɛma le.) Wo kɔma, dan wo le kunyɛ tara a labɔ Tikɔn soe ma min bi Hɔran sigisɔn dan la.