2 Samuwɛli 8:6 - ALLALA KUMƐ

⁶ Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:6 Iomraidhean Croise

2 Samuwɛli 10:19

Mansa Hadadisala so-tiginu ya a yen min kɛ ko Dawudala kɛlɛ-dannu bara anu nɔ, anu ya anu nyɛrɛ latenbi Dawuda ma. Anu tora anuna dutinu natala Dawuda ma. Siriyanu kilanta Amonnu dɛnbɛn-koe ma tun.

2 Samuwɛli 23:14

Wati wo rɔ, Mansa Dawuda ye kan-tina-latankanɛ wo rɔ. Filisiti donu bara ta Bɛtalehɛm soe bira-a-la.

2 Samuwɛli 3:18

Wo ara fɛrɛ-bɛrɛbɛrɛ sɔrɔn gbɛ! Mari ara min fɔ nun, wo ni wo miri wo ma. A ko a si a ma, Dawuda ni Isirɛla mɔgɛnu kumafunfan Filisitinu bolo anubɛ anu yoge damasi.”

2 Samuwɛli 5:10

Mansa Dawuda tora fanka sɔrɔnna ala mansayɛ rɔ bawo Mari Alla Sɛnbɛ-Bɛɛ-Tigi ye a fɛ.

2 Samuwɛli 7:9

A tara kan-bo-kan, n bi a fɛ, ado a tara kan-tinɛ min bɛɛsi rɔ, n ya a yogenu nɔ a yarɔ. N si a ma, ala mansayɛ mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

2 Samuwɛli 8:14

Wo kɔma, a ya ala kɛlɛ-dannu daga makɛ tinɛnu nadan nyɔ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Samuwɛli 8:2

Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

2 Samuwɛli 8:7

Sɛnɛ-walan minnu bi Mansa Hadadisala mɔgɔ-banu bolo, a ya wonu bi ka ta anu na Yerusalɛm.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

2 Mansɛnu 1:1

Isirɛla Mansa Ehabu lakirayanɛ, Mohabu nyamanita-mɔgɛnu murutiyara Isirɛla nyamanita-mɔgɛnu ma.

2 Mansɛnu 14:28

Mansa Yɛrabowami kɛ ya koe min bɛɛsi ma ala mansayɛ kɔrɔ, katarala a ya kerinteyɛ min kɛ ka Damasika soe anubɛ Hamati soe bi a yogenu bolo, anu ya wo bɛɛ sɛbɛ Isirɛla mansɛnuna buku do rɔ.

2 Mansɛnu 18:7

Mari tora a fɛ. Mansa Hɛsakaya ya koe min bɛɛsi ma, wonu ya a munanfaga. Ale ma sɔn donna Asiriya mansɛta tɔnnu kɔrɔ fɔ a murutiyɛ min kɛra a ma. A sɔra a ye iko tele.

2 Mansɛnu 3:4

Mansa Mesa min bi Mohabu nyamanɛ rɔ, saga-waga-siyaman-tigi le wo la. San-bo-san, a si saga-den waga kɛmɛ (100,000) di Isirɛla mansɛ ma anubɛ a siyi ka bɔ saga waga kɛmɛ ma dutiyɛ la.

1 Ko-Kɔrɔta-Karan 18:13

Wo kɔma, Mansa Dawuda ya ala kɛlɛ-dannu daga makɛ tinɛnu nadan Idɔm kan tinɛ wo bɛɛ rɔ. Nyamanɛ wo fanan tora a kɔrɔ. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

2 Ko-Kɔrɔta-Karan 17:2

Yuda nyamanɛ so-latankanɛnu wo, Yuda soe doinu wo, hali a fa Mansa Esa ara soe minnu bira-a-la nun Ifɛrɛm bɔnsɔn-mɔgɛnuna nyamanɛ rɔ wo, Mansa Yɛhosafati ya kɛlɛ-dannu sigi wonu dama rɔ.

Yaburi 140:7

N tigi Mari, n kumafunfanna-wɛ le ile la. I wara n kunyɛ bɔ kɛlɛ rɔ.

Yaburi 60:10

Tonyɛ, i wara i ban ma la, wa? Mala kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ, wa?

Hɛnkilimaya-Kumɛnu 21:31

Mɔgɔ si soeenu tabɛn kɛlɛ-kɛ-koe la kɔnɔ min bi kɛlɛ nɔla, Mari le ye wo latɛgɛla.

1 Samuwɛli 13:3

Yonatan tara bui Filisitinu ma Kibiya dagɛ rɔ. Filisiti doinu ya kumɛ kɛ lamɔɛn tumɛ min, Mansa Sɔli ya kɛlɛ-kɛ buru-fɛlɛnu nata Isirɛla nyamanɛ rɔ alako Hiburu damasi ni na kɛlɛ-kɛ-tinɛ.

1 Samuwɛli 14:1

Kemini-mɛsɛ min bi Yonatanna kɛlɛ-miran madununa, lunyɛ do, ale Yonatan ya a fɔ a ye ko, “Ma ta Filisitinuna dagɛ rɔ.” Kɔnɔ a ma kɛ fɔ a fa Mansa Sɔli ye.

1 Samuwɛli 14:15

Filisitinuna kɛlɛ-dannu kumakɔra kilan bolo. Minnu bi dagɛ rɔ wo, minnu bi binyɛ rɔ wo, wonu dama kilanta. Alla ya dugi layɛrɛyɛrɛn. Wo le ya anu kumakɔ kilan bolo.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”