2 Samuwɛli 8:2 - ALLALA KUMƐ

² Wo kɔma, a tara bui Mohabu kɛnu ma ka anu bira. A ya anu sa dugi ma. A wa mɔgɔ fila faga, a sawa nyɔgɛ, a si wo to. Wole ya a ma, Mohabu nyamanɛ tora a kɔrɔ. Anu tora duti dila ale Dawuda ma.

2 Samuwɛli 8:2 Iomraidhean Croise

2 Samuwɛli 12:31

A ya Amonnu ma ala yɔɔn la ka anu nawɔli sɛrɛ anubɛ dɛɛ anubɛ tɛgɛran la. A ya donu sɔ bulɔku-gbesi-ko-wɔlɛ la. A ya wo ma Amon nyamanɛ mɔgɛ dama la wo nya na le tɛrr! A ban wo mala, a ya ala kɛlɛ-nyama bi. Anu sɛgira Yerusalɛm.

2 Samuwɛli 8:6

Wo kɔma, Mansa Dawuda ya ala kɛlɛ-dannu daga makɛ tinɛnu nadan Siriya wonuna nyamanɛ rɔ. Siriyanu fanan tora ale kɔrɔ ka to duti dila a ma. Mari ya a ma, Mansa Dawuda ya nɔ-ko sɔrɔn kan tinɛ bɛɛ rɔ.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

2 Mansɛnu 1:1

Isirɛla Mansa Ehabu lakirayanɛ, Mohabu nyamanita-mɔgɛnu murutiyara Isirɛla nyamanita-mɔgɛnu ma.

2 Mansɛnu 17:3

Asiriya Mansa Salamanisa nara bui Isirɛla Mansa Hoseya ma. Wo mara ala wɔli-kɛlɛ la. San-bo-san, a si to a kunka-fan natala a ma Asiriya nyamanɛ rɔ.

1 Ko-Kɔrɔta-Karan 18:2

Wo kɔma, a tara bui Mohabu kɛnu ma ka anu bira. Wo le ya a ma, Mohabu nyamanɛ tora a kɔrɔ. Anu tora duti dila Mansa Dawuda ma.

2 Ko-Kɔrɔta-Karan 26:8

Amonnu tora duti dila ale Mansa Yusaya ma. Ala mansayɛ ya sɛnbɛ sɔrɔn tumɛ min, a mankan kera fɔɔ Iyipiti nyamanɛ ma.

Yaburi 108:9

A ko a kɔɛn laku tinɛ le Mohabu nyamanɛ la. A ko a si ala sanbarɛ lafili Idɔm nyamanɛ rɔ ka a yira anu na ko atɛ le nyamanɛ wo fanan na. A ko a si sɔnkɔ-sɔnkɔ bawo a ara Filisiti nyamanɛ nɔ.

Yaburi 18:45

Yigi-tɛgɛ ya a ma, anu bɔra anu dogon tinɛnu tɔ kumakɔɛ bolo.

Yaburi 60:10

Tonyɛ, i wara i ban ma la, wa? Mala kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ, wa?

Yaburi 60:8

A kolan laku tinɛ le Mohabu nyamanɛ la. A si ala sanbarɛ lafili Idɔm nyamanɛ rɔ ka a yira anu na ko atɛ le nyamanɛ wo la fanan. A ye sɔnkɔ-sɔnkɔla bawo a ara Filisiti nyamanɛ nɔ.

Yaburi 83:6

Minnu ya dunbɛ wo kiri, wo fɔlɔn de Idɔm mɔgɛnu wo, Sumanyila kɛnu wo, Mohabunu wo, Hagiranu wo,

Aiseya 36:16

A ko wo kana wo tole masɔ Hɛsakaya kɛ la. Mata mansɛ ko wo dama ni bɔ soe kɛ burɔ ka wo niyi latenbi ma ma. A ko ni wo ya wo ma, a si a ma wo rɔ, wo ni to wola ki-fen-gbɔɛnu dɔnna anubɛ wola kɔlɔntɔ-yinu minna

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.

1 Samuwɛli 14:47

Mansa Sɔli ye mansayɛ la Isirɛla kun na tumɛ min, a kɛnɛna a yogenu kɛlɛla kan tinɛ bɛɛ rɔ. A ya Mohabu kɛnu kɛlɛ anubɛ Amonnu anubɛ Idɔm kɛnu anubɛ mansɛ minnu bɔra Soba nyamanɛ rɔ anubɛ Filisiti mɔgɛnu. A ya min bɛɛsi kɛlɛ, a ya wonu nɔ.

1 Samuwɛli 22:3

Dawuda bɔra nyɔ ka ta Misipa soe burɔ min bi Mohabu nyamanɛ rɔ. A ya a fɔ Mohabu mansɛ ye ko, “N fa, i yandi, a ma, n fa anubɛ n na ni na sigi i wara ha n ni a lɔn Alla ye nala min mala n ye.”

1 Samuwɛli 22:4

Dawuda tara a na anubɛ a fa bi ka ta anu to Mohabu mansɛ wo ma. Ale Dawuda tora sigini faran wo la. A sɔrɔnnɛ wonu fanan tora sigini Mohabu mansɛ wo warɛ.