2 Samuwɛli 8:16 - ALLALA KUMƐ

¹⁶ Yohabu min bi kɛlɛ-den-kun-tigiyɛ la Mansa Dawuda kɔrɔ, wo na tɔgɛ le Sɛruwa. Isirɛla mɔgɛnuna kuma-kɔrɔ-sɛbɛnɛ-lamaralɛ le Ahiludila den Yɛhosafati la.

2 Samuwɛli 8:16 Iomraidhean Croise

2 Samuwɛli 18:2

A ya wonu fanan tafara mɔgɔ sawa la. A ya Yohabu sigi kurun kelen kun na. A ya Yohabu dɔgɔ Abisayi fanan sigi kurun kelen kun na. Wo kɔma, Itayi min bɔnɛ Kati soe burɔ, a ya wo fanan sigi kurun kelen kun na. A ban wonu mala, ale mansɛ ya a fɔ anu ye ko, “Nde nyɛrɛ-nyɛrɛ ye tala le wo fɛ.”

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 2:13

Yohabu na tɔgɛ le Sɛruwa. Ale Yohabu anubɛ Dawudata keminɛ donu tara dala-kundi do dafɛ. Yohabunu sigira a tɔnkɔn doi rɔ, Abinanu sigira a tɔnkɔn doi fanan tɔ.

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Mansɛnu 4:3

Sisala dannu Ɛlihorɛfa anubɛ Ahaya, sɛbɛli-kɛlɛ le wonu na. Ahiludila den Yɛhosafati, wo le kɛdi-sɛbɛnɛ-lamaralɛ la.

2 Mansɛnu 18:18

Anu ya Mansa Hɛsakaya kele nyɔ rɔ. Helikayala den Ilayakim min bi mansɛla bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ Esafila den Yowa min bi kɛdi-sɛbɛnɛnu-namarala, ale Mansa Hɛsakaya ya ala mɔgɔ-ba sawɛ wonu nata anu ma.

2 Mansɛnu 18:37

Ilayakim anubɛ Sɛbana anubɛ Yowa ya anuna durukinu tafara yisi-tinyɛ bolo. Kandɛ wo ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

1 Ko-Kɔrɔta-Karan 11:6

Dawuda ya a fɔ ala kɛlɛ-dannu ye ko, “Ni min fɔlɔn ya Yɛbusi mɔgɛ do faga, n si wo ma nna kɛlɛ-den-kunyɛ la.” Sɛruya Yohabu fɔlɔn donta Yɛbusi soe wo burɔ ka nyɔ-mɔgɛnu kɛlɛ. Woletɔ ale mara Dawudata kɛlɛ-den-kunyɛ la.