2 Samuwɛli 8:11 - ALLALA KUMƐ

^11-12 Mansa Dawuda ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la. Wo kɔma, a ya fen-kolomɛ minnu bi Hadadisa bolo, a ya wo do sa wonu kuma.

2 Samuwɛli 8:11 Iomraidhean Croise

2 Samuwɛli 8:10

a ya Mansa Dawuda sanba fen-siyaman na ka a wɔlibɔ ala nɔlɛla ko la. Ale fanan kɛlɛ-nyɔgɛ le Mansa Hadadisa wo la nun. Sɛnɛ wo, wodi-gbɛ wo, silɛɛ wo, a ya wonu don ala den Yɔram bolo alako ala dan wo nyɛrɛ ni ta Mansa Dawuda sanbɛ wonu na.

1 Mansɛnu 7:51

Mansa Silamɛni ban Mari Bato-Bɔn sɔla, a fa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, wodi-gbɛ-mirannu wo, sɛnɛ-mirannu wo, anubɛ fen-kolomɛ donu. A ya wo bɛɛ sa fen namara tinɛnu tɔ Mari Bato-Bɔn la.

1 Ko-Kɔrɔta-Karan 18:11

Mansɛ ya fen-kolomɛ wonu bi ka anu dantɛgɛ Allata wɔlɛla ko la. Idɔm kɛnu wo, Mohabu kɛnu wo, Amonnu wo, Filisitinu wo, Amalɛkinu wo, a ya fen-kolomɛ min bɛɛsi bi anu bolo kɛlɛ rɔ, a ya wonu fanan dantɛgɛ Allala wɔlɛla ko la.

1 Ko-Kɔrɔta-Karan 29:2

N bara n se-koe-bɛɛ kɛ ka n taya Bato-Bon-mirannu-nyinɛ ma. Sɛnɛ wo, wodi-gbɛ wo, sila wo, nɛgɛ wo, kɔlɔma-lɔngbɔn wo, dugu-kɔrɔ-nɔnfulu-su bɛɛsi wo, kuru-lɛsɛtɛnu wo, n bara wonu nadɛn Bato-Bon sɔ-ko-wɔlɛ kɛla ko la.

2 Ko-Kɔrɔta-Karan 5:1

Mansa Silamɛni ban Mari Bato-Bɔn sɔla, a fa Mansa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, sɛnɛ-mirannu wo, wodi-gbɛ-mirannu wo, anubɛ fen-kolomɛnu. A ya wo bɛɛ sa fen namara tinɛnu tɔ Mari Bato-Bɔn la.

Maika 4:13

Wole Yerusalɛm kɛnu, wo ni wo lasɔ wo yogenu kɛlɛ-koe la. Mari si wo kolo gbɛlɛya iko turɛ min kere gbɛlɛ iko nɛgɛ. A kin-turi gbɛlɛyanɛ iko silɛɛ. Wole Isirɛla mɔgɛnu si wo yogenu bunden gburr! Wo ye fan minnu bila anu bolo kɛlɛ rɔ, wo si wonu natenbi duninya-tigi-Mari ma.