2 Samuwɛli 7:8 - ALLALA KUMƐ

⁸ “Woletɔ a fɔ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la nta mɔgɛnu kun na Isirɛla nyamanɛ, kɔni.

2 Samuwɛli 7:8 Iomraidhean Croise

2 Samuwɛli 12:7

Netan ya a fɔ Mansa Dawuda ye ko, “Nba, n bara tili min tɛgɛ i ye, ile le fen-tigi wo la, yɔ! Min sanɛ wo kuma, Isirɛlata Mari Alla ko ale le ya i tanka Mansa Sɔli masibɛ ma ka i ma mansɛ la Isirɛla mɔgɛnu kun na.

2 Samuwɛli 14:13

A ya a fɔ mansɛ ye ko, “Nfenna i wara ko-yogoma-su kɛ ma Allata mɔgɛnu na? I wara i nyɛrɛ yiliki bawo kebi i ya ila dan kɔn, i ma sɔn a makele-koe ma, ado i bɔ-san nta dan wara-koe fɔla n ye kaka.

2 Samuwɛli 23:1

Yɛsila den Mansa Dawuda, Alla ya a ma mɔgɔ-ba-magbilima-wɛ la. Ale Yakobata Alla ya ale Dawuda yabɔ ka a ma mansɛ la. Mansa Dawuda le si sigi-diyamɛnu sa Isirɛla mɔgɛnu ye. Mansa Dawudala wɔlɔyiya-kuma-laban le kɛ la.

2 Samuwɛli 24:17

Mansa Dawuda ya ale niyi-bɔ-melika yen. A ya a fɔ Mari ye ko, “Ko-tinyanɛ ye nde le la. Nde le wara ko-yogomɛ ma. Mɔgɔ-makinikininɛ kɛnu bara nfen ko-yogoma ma? A bɛnnɛ tɔrɔyɛ kɛ ni sigi mabɛ nna denbayɛ le la.”

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Samuwɛli 6:21

Mansa Dawuda ya a fɔ a ye ko, “N bi n dɔn-tinɛ le nun ka Mari gbiliya, ado ale Mari le ya nde yabɔ ka n ma Isirɛla mɔgɛnuna mansɛ la. A ya n sigi i fa anubɛ a kegeyɛnu gbɛ rɔ. Fɔ n ba to n dɔnna Mari ye ka a gbiliya,

1 Mansɛnu 3:6

Mansa Silamɛni ya a fɔ Alla ye ko, “I ya keninteya-wɛ yira n fa Dawuda la bawo a mara mɔgɔ-nyimɛ anubɛ mɔgɔ-telennɛ la i yala. I wara den-kei di a ma min bara mansayɛ kɛ a gbɛ rɔ. Wo fanan bara a yira ko a di i ye.

1 Mansɛnu 8:16

kebi a nara ata mɔgɛnu na ka bɔ Iyipiti, a ma so-wo-so yabɔ Isirɛla nyamanɛ rɔ, ata Bato-Bɔn si sɔ kan min. Kɔnɔ a ya n fa Dawuda yabɔ ka a sigi mansayɛ la ata mɔgɛnu kuma.”

1 Ko-Kɔrɔta-Karan 17:7

“Woletɔ a fɔ nna wɔli-kɛlɛ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la Isirɛla nyamanɛ mumɛ bɛɛ kun na.

1 Ko-Kɔrɔta-Karan 21:17

A ya Mari matara, a ko, “Ko-tinyanɛ ye nde le la. Nde le wara ko-yogomɛ ma mɔgɛnu-dan-koe rɔ. Mɔgɔ-makinikininɛ kɛnu bara nfen ko-yogoma ma? Nta Mari Alla, a bɛnnɛ tɔrɔyɛ kɛ ni sigi mabɛ nna denbayɛ le la ka ila mɔgɛ kɛnu nakisi.”

Emɔsi 7:15

Mari le ya n bɔ wonu kun na ka na n na yan alako n ni wɔlɔyiya-kumɛnu fɔ wole, Isirɛla mɔgɛnu ye.

Kɛwɔlɛnu 7:46

Mansa Dawuda wo ya hɛrɛ sɔrɔn Alla bolo. A ya Alla manyinika ni a si bɔn sɔ a benba Yakobata Alla ye

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 2:8

Ale le si bolo-kolɔnnu bɔ gbangban rɔ ka mɔgɔ-fɛlɛtenɛnu hayu kasa. A si sɛnbɛ di anu ma iko mansa-dannu ka gbiliya-tinɛnu di anu ma. Mari leta ye dugu-kole sɛnbɛrɛn-kɔnnu na, ado ale ya dugu-kole sa wonu kuma.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”