2 Samuwɛli 7:3 - ALLALA KUMƐ

³ Netan ya a fɔ a ye ko, “Ni ko-wo-ko ma-sɔgɛ ye i la, wo ma bawo Mari ye i fɛ.”

2 Samuwɛli 7:3 Iomraidhean Croise

2 Samuwɛli 7:4

Kɔnɔ wulɔn suyi nyɛrɛ rɔ, Mari ya a fɔ Nɛbi Netan ye ko,

1 Mansɛnu 1:8

Minnu ma sɔn bilala Adonaya fɛ, wo le, Saraka-Masɔla Sedoki wo, Yɛhoyadala den Bɛnaya wo, Nɛbi Netan wo, Simayi wo, Riya wo, anubɛ Mansa Dawuda makandannɛnu.

2 Mansɛnu 4:27

Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

1 Ko-Kɔrɔta-Karan 22:7

Silamɛni nanɛ, a fa ya a fɔ a ye ko, “Nna den, a sɔgɛ ye n na nun ka nta Mari Alla gbiliya ka ata Bato-Bɔn sɔ.

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

Yaburi 20:4

Alamɛ wo hamina-koenu nyinyara. Alamɛ a ya a ma, wo miriyanu ni bɔ.

Yaburi 37:4

I ni Mari diyana-koe kɛ. Wo kɔma, a si i kɔntɔ-koenu kɛ i ye.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.

1 Samuwɛli 14:7

Ala miran-madununɛ wo ya a fɔ a ye ko, “Ni ko-wo-ko kɛ-sɔgɛ ye i la, n bi i fɛ.”

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”