2 Samuwɛli 7:24 - ALLALA KUMƐ

²⁴ I wara male Isirɛla mɔgɛnu ma i halalɛ la tɛban! Ile Mari le mata Alla la.

2 Samuwɛli 7:24 Iomraidhean Croise

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Ko-Dabirɛnu 17:8

I ye sundanyɛ la Kenan nyamanɛ min tɔ kɛ la, n si wo di wobɛ i bɔnsɔnnu ma ka a ma wotɛ la habadan! N si ma wota Alla la.”

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

2 Samuwɛli 7:25

“Nba, Mari Alla, a sɔgɛ ye n na, i ni ila sarama-kan latɔnbagaya mabɛ n kegeyɛnu ye tolon, iko i wara a fɔ nya min nun.

1 Ko-Kɔrɔta-Karan 17:22

I wara male Isirɛla mɔgɛnu ma i halalɛ la tɛban, ado ile Mari le mata Alla la.

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Yɛrɛmaya 31:1

Mari ko wati ye nala, ale si ma wole, Isirɛla bɔnsɔn bɛɛta Alla la. Wo si ma ata mɔgɛnu na.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 32:38

Wo wa ma tumɛ min, a ko anu si ma ata mɔgɛnu na, ale si ma anuta Alla la.

Hoseya 1:10

Hali wo, Isirɛla mɔgɛnu si na siyaya iko ba-kɛnkɛn. Mɔgɔ ti ke anu danna siyayɛ bolo. Kaka, Alla ye a fɔla anu ma ko ata mɔgɔ ma Isirɛla mɔgɛnu na kɔnɔ yarɔma, a si na a fɔ anu ma ko ale Alla-nimɛta dan le anu na.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Yɔni 1:12

Kɔnɔ donu ya a rabira ka dɛnkɛninya a ma. Woletɔ a ya sɛnbɛ di wonu ma ka anu ma Allatalata dannu na.

Tɔn-Fɔɛ-Fila-Nyɔgɛ 26:18

Bi, Mari Alla fanan bara wo rabira iko ata mɔgɛnu iko a ya lanyiri kiri wo ye nya min. A ya a fɔ wo ye ko wo ni ala tɔn damasi bira.

Tɔn-Fɔɛ-Fila-Nyɔgɛ 27:9

Wo kɔma, Musa anubɛ saraka-masɔlɛnu ya a fɔ Isirɛla mɔgɛ bɛɛ ye ko, “Wole Isirɛla mɔgɛnu, wo ni wo yɛ sɔ n na ka wo tole masɔ. Wole ara ma Mari Allata mɔgɛnu na bi.

Tɔn-Fɔɛ-Fila-Nyɔgɛ 32:6

Wole mɔgɔ-fufafuyinu anubɛ hɛnkilibɔnɛnu, wo ya Mari sara wola fisiriwɔlitayɛ kɛ le la, wa? Wo fa anubɛ wo Dali-Mari le ale la min ya wole ma bɔnsɔn kelen na.

1 Pita 2:10

Fɔlɔ-nun, Allala mɔgɔ ma wo la kɔnɔ kaka, wo ara ma ata mɔgɛnu na. Fɔlɔ-nun, wo ma Allala kinikinɛ lɔn kɔnɔ kaka, wo ara ala kinikinɛ sɔrɔn.