2 Samuwɛli 6:2 - ALLALA KUMƐ

² Mansa Dawuda tara wonu na tɔn-kenkirɛ bi-tinɛ Yirɔm soe burɔ Yuda nyamanɛ rɔ, ado Mari Alla Sɛnbɛ-Bɛɛ-Tigi mayigi-tinɛ le melikala muninya filɛ wonu tɛmɛ la minnu bi tɔn-kenkirɛ wo kuma. Mari tɔgɛ le kenkirɛ wo kuma.

2 Samuwɛli 6:2 Iomraidhean Croise

2 Samuwɛli 22:11

A sigira melika sufa do la. Wo tora a buri-wɛ kɛla a la fɔnyɔ rɔ duninya kuma.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yasowa 15:60

Kiriyati-Beyali (Kiriyati-Yirɔm) anubɛ Raba fanan dira Yuda bɔnsɔn-mɔgɛnu ma. So fila le wo la, anu dafɛ-so-nɛnu bɔnɛ a la.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Samuwɛli 4:4

Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.

1 Samuwɛli 6:21

Anu ya kilayɛnu nata Kiriyati-Yirɔm so-burɔ-mɔgɛnu ma ka a fɔ anu ye ko, “Filisitinu bara Marita tɔn-kenkirɛ lasɛgi ma ma. Wo na, a bi.”

1 Samuwɛli 7:1

Woletɔ Kiriyati-Yirɔm mɔgɛnu ya Marita tɔn-kenkirɛ wo bi ka ta a la anu barɛ. Anu ya kenkirɛ wo bi ka ta a sigi kei dola bɔn la min tɔgɛ Abinadabu. Ala bɔn wo sɔnɛ kɔnkɛ le kuma. Anu ya Abinadabu wola den Ɛliyasa dantɛgɛ Mari ma. Wo tora tɔn-kenkirɛ wo makandanna.