2 Samuwɛli 6:17 - ALLALA KUMƐ

¹⁷ Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

2 Samuwɛli 6:17 Iomraidhean Croise

1 Mansɛnu 8:5

Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya sagɛ anubɛ ninki min nyɔgɛ ma sarakɛ la, anu ma wonu yatɛ lɔn bawo anu siya kati!

1 Ko-Kɔrɔta-Karan 15:1

Mansa Dawuda ya ata luyi datɛgɛ a nyɛrɛ ye Yerusalɛm soe burɔ. Wo kɔma, a ya kan tinɛ do rabɛn Allata tɔn-kenkirɛ ye ka fani-bɔn sɔ a ye.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

1 Ko-Kɔrɔta-Karan 16:1

Mansa Dawuda ya fani-bɔn min sɔ tɔn-kenkirɛ wola ko la, anu tara kenkirɛ wo sigi bɔn wo la. Anu ban wo la, anu ya saraka-mintantɛ anubɛ yisi-kima-sarakɛnu bɔ Alla ye.

1 Ko-Kɔrɔta-Karan 6:31

Mansa Dawuda ban tɔn-kenkirɛ ladonna Marita Fani-Bɔn la, a ya mɔgɛ donu yabɔ minnu si to fɔli-fan kɛla a rɔ nyɔ rɔ.

2 Ko-Kɔrɔta-Karan 1:4

(Kɔnɔ tɔn-kenkirɛ nyɛrɛ ye Yerusalɛm soe le burɔ. Mansa Dawuda nara tɔn-kenkirɛ la tumɛ min ka bɔ Kiriyati Yirɔm soe burɔ, a ya fani-bɔn do ladan ala ko la nyɔ rɔ.)

2 Ko-Kɔrɔta-Karan 5:6

Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya ninki anubɛ sagɛ min nyɔgɔn ma sarakɛ la, anu ma wonu yatɛ lɔn bawo anu siya kati!

Yaburi 132:8

Mari, tɔn-kenkirɛ min bi ila sɛnbɛ-tamasereyɛ la, na wo la i Bato-Bɔn la. Nba, i ni na i mayigi nyɔ.

Saraka-Masɔlɛnuta Tɔnnu 3:9

A si a kɛɛnnu bi anubɛ ka a fɔlɔ a kɔ-kuri ma ha a kɔ-sungban anubɛ a burɔ-kɛɛnnu