2 Samuwɛli 6:16 - ALLALA KUMƐ

¹⁶ Anu bi anu kun nabɔla soe ma tumɛ min tɔn-kenkirɛ wo la anu bolo, Sɔlila dunmusi Mikali min tora Mansa Dawuda ye, wo ya a yɛ labɔ wundan la. A ya Mansa Dawuda yen nala a dɔnna anubɛ a ye gbangbanna a sɛbɛ-kuna-wɛ la Mari yakɔrɔ, a bɔrɔbɔra a ye.

2 Samuwɛli 6:16 Iomraidhean Croise

2 Samuwɛli 3:14

Wo kɔma fanani, Dawuda ya kilayɛnu nata Mansa Isibosɛti ma ka a fɔ a ye ko, “Nna musi Mikali don n bolo, n ya min furu Filisiti mɔgɔ kɛmɛ sogo-kundi la.”

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

2 Samuwɛli 6:15

Woletɔ Mansa Dawuda anubɛ Isirɛla mɔgɛ bɛɛ ye tala tɔn-kenkirɛ wo la Yerusalɛm soe burɔ tumɛ min, mɔgɛ bɛɛ sewanɛ. Anu bi gbele-gbelenna ka buri fɛ dɔgɔma-ma-de!

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

1 Ko-Kɔrɔta-Karan 15:29

Anu ya anu kun nabɔ soe ma tumɛ min, Mansa Sɔlila dunmusi Makali min tora Dawuda ye, wo ya a yɛ labɔ wundan la. A ya mansɛ sewamatoe yen nala a dɔnna a sɛbɛ-kuna-wɛ la. A bɔrɔbɔra a ye.

Yaburi 123:3

Mari, kinikini ma ma. Kinikini ma ma bawo mɔgɛnu bara yo ma ma kati!

Yaburi 69:7

Anu bara n mamɔɛn ilela ko la. N bara miliya dɔgɔma-ma-de!

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Kɛwɔlɛnu 2:13

Kɔnɔ donu ya dɛnkɛninya-mɔgɛnu mayɛlɛn, anu ko, “Gbɛɛ le ara mɔgɛ kɛnu bira!”

1 Kɔrɛnti 2:14

Kɔnɔ ata Ni-Sɛnimɛ sa mɔgɛ minnu bolo, wonu ti ke karan wonu sɔrɔnna bawo tonyɛ wo dinɛ wonu ma ale bolo, ado a ti ke wonu nya-yenna lefan! Yuwaya-koe le wonu na ale yala bawo tonyɛ wonu na si kɔrɔsi Allala Ni-Sɛnimɛ baraka rɔ.

1 Samuwɛli 18:17

Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)

1 Samuwɛli 18:20

Kɔnɔ Mansa Sɔlila dunmusi do ye nyɔ min tɔgɛ Mikali, Dawuda di wo ye bɛrɛkɛ! Mansa Sɔli ya wo lɔn tumɛ min, wo mara sewa-koe la a bolo.