2 Samuwɛli 6:13 - ALLALA KUMƐ

¹³ Tɔn-kenkirɛla dununɛnu ya anu kin-fa-nya wɔrɛ bi min kɛ, Mansa Dawuda ya anu nasɔ. A ya ninki-den-tɔlɔni kelen bi ka wo sa tura kelen kuma sarakayɛ la Mari ye.

2 Samuwɛli 6:13 Iomraidhean Croise

1 Mansɛnu 8:5

Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya sagɛ anubɛ ninki min nyɔgɛ ma sarakɛ la, anu ma wonu yatɛ lɔn bawo anu siya kati!

1 Ko-Kɔrɔta-Karan 15:15

Lifayi bɔnsɔn-mɔgɛnu ya a bi a bi-kɔlɔma filɛ ma anu kan ma ka ta a la iko Mari ya a fɔ Musa ye nya min nun.

1 Ko-Kɔrɔta-Karan 15:2

Mansɛ ko, “Fɔ Lifayi bɔnsɔn-mɔgɛnu, wonu denu dɔrɔn si tɔn-kenkirɛ kɛ dunu bawo kebi fɔlɔfɔlɔ Mari le ya anu yabɔ wɔlɛ kɛla ko la, ado anu si to wo kun na habadan!”

2 Ko-Kɔrɔta-Karan 5:6

Wo kɔma, Mansa Silamɛni anubɛ Isirɛla mɔgɛ bɛɛ ladɛnta tɔn-kenkirɛ yarɔ. Anu ya ninki anubɛ sagɛ min nyɔgɔn ma sarakɛ la, anu ma wonu yatɛ lɔn bawo anu siya kati!

Yilan-Yilan Koe 4:15

Aruna anubɛ ala dannu ba ban miran kɛ bɛɛ yamatogonna tumɛ min, Kohati kebilɛ ni na ka Kan-Tina-Sɛnimɛ miran kɛnu bi. Kohati kebilɛ min bi miran kɛnu bila, anu fenfen kana tugu miran-dantɛgɛnɛ kɛnu na, fɔ a bi-kɔlɔma filɛnu. Ni anu tugura wo fenfen na, anu si faga. “Wo wa ta kan-bo-kan, Kohati kebilɛta wɔlɛ le kɛ la.

Yilan-Yilan Koe 7:9

Kɔnɔ a ma fenfen di Kohati kebilɛ ma kamasɔrɔn anuna dunu-sɛnimɛnu, fɔ anu ba wonu bi anu kanban-kunyɛ ma.

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Yasowa 3:3

“Wo wa saraka-masɔlɛnu yen tumɛ min ko anu bara Marila tɔn-kenkirɛ bi, wo ni wola fani-bɔnnu wayan ka bila anu fɛ.