2 Samuwɛli 6:12 - ALLALA KUMƐ

¹² Mansa Dawuda ya a lamɔɛn tumɛ min ko Obɛdi-Idɔm anubɛ ala denbayɛ anubɛ a bolo-fan bɛɛ ara Marita duwɛ sɔrɔn ka a tɛgɛ tɔn-kenkirɛ wola sigi ma nyɔ, a tara kenkirɛ wo bi-tinɛ alako anu ni ta a la Yerusalɛm. Anu ya tolon-belebele kɛ a rɔ.

2 Samuwɛli 6:12 Iomraidhean Croise

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

1 Mansɛnu 8:1

Wo kɔma, Mansa Silamɛni ya Isirɛla mɔgɛnuna kun-tigi damasi kele kan-tina-kelen. A bɔnsɔn-kun-tigi wo, a kebila-kun-tigi wo, a ya wo bɛɛsi kele Yerusalɛm soe burɔ. Mansa Silamɛni ya anu kele alako anu ni ta tɔn-kenkirɛ bi a fa Dawuda halala-soe burɔ min tɔgɛ Sayɔn ka ta a to Mari Bato-Bɔn la.

1 Mansɛnu 8:3

Isirɛla kun-tiginu nara tumɛ min, saraka-masɔlɛnu tara tɔn-kenkirɛ bi tinɛ.

1 Mansɛnu 8:4

Anu ya a bi ka ta a la Mari Bato-Bɔn dafɛ. Lifayi bɔnsɔn-mɔgɛnu anubɛ saraka-masɔlɛnu tara Marita Fani-Bɔn nyɛrɛ bi anubɛ a miran bɛɛsi ka ta anu to Bato-Bɔn la.

1 Ko-Kɔrɔta-Karan 15:15

Lifayi bɔnsɔn-mɔgɛnu ya a bi a bi-kɔlɔma filɛ ma anu kan ma ka ta a la iko Mari ya a fɔ Musa ye nya min nun.

1 Ko-Kɔrɔta-Karan 15:25

Mansa Dawuda anubɛ Isirɛla mɔgɔ-banu anubɛ ala kɛlɛ-den-kunyɛnu tara Obɛdi-Idɔmla bɔn la Marita tɔn-kenkirɛ bi tinɛ. Anu ya tolon-belebele kɛ a rɔ.

1 Ko-Kɔrɔta-Karan 26:4

Allata duwɛ tora Obɛdi-Idɔm kuma ka den-kei mɔgɔ segin di a ma. Ala sarɛ tɔgɛ le Sɛmaya. Wo dɔgɔ tɔgɛ le Yɛhosabadi. Wo fanan dɔgɔ tɔgɛ le Yowa. Wo fanan dɔgɔ tɔgɛ le Saka. Wo fanan dɔgɔ tɔgɛ le Natanɛli.

1 Ko-Kɔrɔta-Karan 26:5

Wo fanan dɔgɔ tɔgɛ le Amiyɛli. Wo fanan dɔgɔ tɔgɛ le Isakari. Wo fanan dɔgɔ tɔgɛ le Piyulatayi.

2 Ko-Kɔrɔta-Karan 5:2

Wo kɔma, Mansa Silamɛni ya Isirɛla mɔgɛnuna kun-tigi damasi kundɛn kan-tina kelen Yerusalɛm soe burɔ. A bɔnsɔn-kun-tigi wo, a kebila-kun-tigi wo, a ya wo bɛɛsi kele. Mansɛ ya anu kele alako anu ni ta tɔn-kenkirɛ bi Mansa Dawudala luyi ma Yerusalɛm soe burɔ ka ta a to Mari Bato-Bɔn la.

Matiyu 10:42

Wo ni wo hɛnkili to kɛ ko! Min ba yi-kimɛ di nna mɔgɔ-dɔgɔmani kelen ma bawo nna mɔgɛ le, ale fanan si barayi sɔrɔn, yɔ!”