2 Samuwɛli 5:6 - ALLALA KUMƐ

⁶ Mansa Dawuda anubɛ ala keminɛnu bui-wati kenɛ Yerusalɛm soe ma, Yɛbusi minnu siginɛ nyɔ, wonu miri ko Dawudanu ti anu nɔ. Woletɔ anu ya a fɔ a ye ko, “I ti ke i kunyɛ ladonna mala soe burɔ yan mumɛ! Hali fiyɔn anubɛ namarɛnu denu bi tugula i la.”

2 Samuwɛli 5:6 Iomraidhean Croise

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

2 Samuwɛli 22:30

I si n yogenu nɔ-sɛnbɛ di n ma. Ile Alla le ye a mala, n ni yɛlɛ n yogenuna tarɛ ma ka ta anu kɛlɛ.

Hɛnkilimaya-Kumɛnu 21:22

Hali so-burɔ-mɔgɛnu tagbɛlɛ, tarɛ mininɛ soe wo ma, kɛlɛ-kurugbɛ min hɛnkili kolo, wo si ta soe wo bira-a-la.

Yɛrɛmaya 21:13

A ko ale Yerusalɛm soe siginɛ san ma iko fara-layan-bɛ min bi lɛɛ rɔ. A ko a si wole, Yerusalɛm kɛnu kɛlɛ, ado wo ye mankan tugula ko mɔgɔ-wo-mɔgɔ ti ke wo nɔla.

Yɛrɛmaya 37:10

A ko hali wo ya Babilɔn kɛlɛ-dan bɛɛ nɔ, minnu matanbannɛ ye tola sanɛ anuna fani-bɔnnu na, wonu si tɛ tugu Yerusalɛm soe la ka a mintan gburr!

Hiburunu 7:1

Mɛlikisidaki ye so-tigiyɛ le la Selam soe burɔ nun. A ye saraka-masɔlayɛ fanan na Alla ye, Alla Min Bi Fan Bɛɛ Kun Na, kɔni. Ma benba Iburayima bɔnɛ mansɛ doinu nɔ tinɛ kɛlɛ rɔ, anubɛ Mɛlikisidaki bɛnta kilɛ la. Ale Mɛlikisidaki duwara Iburayima ye.

Yasowa 10:3

Mansa Sɛdiki min bi Yerusalɛm, wo ya kilayɛ lata mansɛ kɛnu ma, Hiburɔn mansɛ min tɔgɛ Hoham, Yaramuti mansɛ min tɔgɛ Piram, Lesi mansɛ min tɔgɛ Yafaya, anubɛ Ɛkilɔn mansɛ min tɔgɛ Debiri.

Yasowa 15:63

Kɔnɔ Yuda bɔnsɔn ma ke Yebusi kɛnu gbenna minnu siginɛ Yerusalɛm soe rɔ. Wonu siginɛ anu tɛma ha bi.

Yasowa 18:28

Sila, Ilɛfi, Yebusi (min tɔgɛ fanan Yerusalɛm), Kibiya, anubɛ Kiriyati-Yirɔm soe wonu fanan dira Bɛnyamɛ bɔnsɔn-mɔgɛnu ma. Wo damasi lakofunɛ so tan-ni-nani, anu dafɛ-so-nɛnu bɔnɛ a la.

Kɛlɛ-Kurugbɛnu 1:21

Kɔnɔ Yebusi minnu siginɛ Yerusalɛm soe burɔ Bɛnyamɛ bɔnsɔnta nyamanɛ rɔ, Bɛnyamɛ bɔnsɔn-mɔgɛnu ma wonu gben nyɔ. Yebusi wonubɛ Bɛnyamɛ bɔnsɔn-mɔgɛnu siginɛ nyɔ ka a bi wo wati ma ha kaka.

Kɛlɛ-Kurugbɛnu 1:8

Yuda bɔnsɔn kɛlɛ-dannu ya Yerusalɛm soe bira-a-la ka anu nɔ. Anu ya nyɔ-mɔgɛnu faga ka tɛ tugu soe wo la.