2 Samuwɛli 5:3 - ALLALA KUMƐ

³ Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

2 Samuwɛli 5:3 Iomraidhean Croise

2 Samuwɛli 2:4

Yuda bɔnsɔn-mɔgɛnu nara ka Dawuda ma mansɛ la. Dawuda ya a lamɔɛn min kɛ ko Yɛbusi kɛ minnu bi Kaliyadi nyamanɛ rɔ, wonu bara Mansa Sɔli togon,

2 Samuwɛli 2:7

Wola mansɛ Sɔli ara so-mayɛlɛma-kɛ. Anu bara nde sigi a gbɛ rɔ Yuda nyamanɛ rɔ. Woletɔ wo ni wo yisi gbɛlɛya ka wo kerinteya.”

2 Samuwɛli 3:21

A ya a fɔ a ye tun ko, “N tigi, n bi tala le kɛ la. N ni a ma, Isirɛla mɔgɛ bɛɛsi ni don i wara-koe rɔ ka sɔn ila mansaya-koe ma. Wo kɔma, ile ye nyinina min ma, i si wo sɔrɔn ka Isirɛla nyamanɛ bɛɛ mara.” Dawuda ya ale Abina masara. A tara yisi-kimɛ rɔ.

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

2 Mansɛnu 11:17

Saraka-Masɔla Yɛhoyada ya sarama-kan kiri Mari ye mansa-kurɛ wonubɛ ala mɔgɛnuna ko la ko anu ti bɔ Mari fɛ muk! A ya a ma fanan, mɔgɛnu ya sarama-kan kiri mansa-kurɛ wo ye ko anu ti anu bɔ a fɛ mumɛ!

1 Ko-Kɔrɔta-Karan 11:1

Wo kɔma, Isirɛla mɔgɔ damasi nara Dawuda warɛ Hiburɔn soe burɔ. Anu ya a fɔ a ye ko, “Yele kelen de ma dama la.

1 Ko-Kɔrɔta-Karan 11:3

Woletɔ Isirɛla kun-tiginu bara a lakiri gben yisi-kimɛ rɔ ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la Hiburɔn soe burɔ iko Mari ya a fɔ Nɛbi Samuwɛli ye nya min.

1 Ko-Kɔrɔta-Karan 28:4

Isirɛlata Mari Alla, wo le ya Yuda bɔnsɔn yabɔ bɔnsɔn doinu tɛma. Wo kɔma, a ya n fala denbayɛ yabɔ Yuda bɔnsɔn-mɔgɛnu tɛma. Wo kɔma fanan, a ya nde, Dawuda yabɔ n fata denbayɛnu tɛma ka n ma mansɛ la Isirɛla mɔgɛnu kun na. A ya den-kei-siyaman di n ma. A ya Silamɛni yabɔ nna dan wonu tɛma ka wo ma mansɛ la Marita nyamanɛ kɛ kun na. Ale Mari le wara nde yabɔ ka mabɛ n kegeyɛnu ma mansɛ la wo kun na tɛban!

2 Ko-Kɔrɔta-Karan 23:16

Saraka-Masɔla Yɛhoyada ya a ma, mansa-kurɛ wonubɛ ala mɔgɛnu ya sarama-kan kiri Mari ye ko anu ti bɔ Mari fɛ muk!

Nihɛmaya 9:38

Ka a tɛgɛ koe min bɛɛsi ara ma kɔrɔma la, male Isirɛla mɔgɛnu sarata ko kelen de ma ka kɛdi sɛbɛ ka ma bole sa mana rɔ. A kun-tigi wo, a Lifayi wo, a saraka-masɔla wo, ma dama ara ma tɔgɛ sɛbɛ.

Bɔ-Koe-Iyipiti 3:16

“Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Yasowa 10:36

Wo kɔma, Yasowa anubɛ ala kɛlɛ-dannu bɔra Ɛkilɔn ka ta Hiburɔn

Kɛlɛ-Kurugbɛnu 11:11

Yɛfɛta bilara mɔgɔ-ba wonu fɛ. Anu tara. Anu ke Kaliyadi nyamanɛ rɔ, anu ya a ma anuna kɛlɛ-den-kunyɛ la. Anu ke Misipa dagɛ rɔ, anubɛ mɔgɔ-banu ya kumɛ minnu fɔ anu nyɔgɔn tɛma, Yɛfɛta ya kumɛ wonu takaran Mari anubɛ mɔgɛnu yala.

1 Samuwɛli 11:15

Anu dama tara Kiligali. Anu ya yisi-kima-sarakɛnu bɔ Mari ye kan-tina-sɛnimɛ rɔ nyɔ ka Sɔli sigi mansayɛ la wulɔn. Sɔli anubɛ ala nyamanita-mɔgɛnu ya ladiyɛ kɛ anu nyɔgɔn fɛ.

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.

1 Samuwɛli 23:18

Anu mɔgɔ filɛ ya lanyiri kiri anu nyɔgɔn tɛma alako anu ni diya a kurɛ la. Yonatan ya Dawuda to nyɔ. A sɛgira a warɛ.