2 Samuwɛli 5:20 - ALLALA KUMƐ

²⁰ Mansa Dawuda tara Filisitinu nɔ kan tinɛ do rɔ anu nara to min kelela ko, “Mari Tugura Anu Kun Na.” Mansa Dawuda ya a fɔ ko, “Mari ara tugu n yogenu kun na iko yi wa fa, wo ye tugula a rɔ nya min.” Woletɔ anu ya kan tinɛ wo tɔgɔ sa “Mari Tugura Anu Kun Na.”

2 Samuwɛli 5:20 Iomraidhean Croise

2 Samuwɛli 19:9

Anu bi anu nyɔgɔn sɔsɔla. Anu bi a fɔla anu nyɔgɔn ye ko, “Fɔlɔ nun, Mansa Dawuda ye ma kumafunfanna ka ma yogenu kɛlɛ. A ye ma tankala Filisitinu masibɛ ma. Kɔnɔ wo kɔma, ale ara a buri ala den Abasalɔm kɔrɔ ka nyamanɛ kun-nakolɔn to.

1 Ko-Kɔrɔta-Karan 14:11

Mansa Dawuda tara Filisitinu nɔ kan tinɛ do rɔ anu nara to min kelela ko, “Mari Tugura Anu Kun Na.” Mansa Dawuda ya a fɔ ko, “Alla ara tugu n yogenu kun na iko yi wa fa, wo ye tugula a rɔ nya min.” Woletɔ anu ya kan tinɛ wo tɔgɔ sa “Mari Tugura Anu Kun Na.”

Yaburi 60:1

E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Aiseya 28:21

Mari ko a si kɛlɛ kɛ iko a ya kɛlɛ kɛ Pɛrasim kɔnkɛ ma Kibiyon lɛɛ rɔ nya min alako ata miriyɛ ni ma, hali hadama-den ma wo nya-yen. Hali ata wɔli-nya makawara nya-wo-nya, a si a ma tun!

Habakuku 3:13

I tara ila mɔgɛnu nakanan-tinɛ ka ta ila mansa-yabɔnɛ kisi. Mɔgɛ minnu karagbɛlɛ, i wara wonuna kun-tigi kasara ka a gba-fɛ-bilalɛnu halaki pɔ!