2 Samuwɛli 5:12 - ALLALA KUMƐ

¹² Mansa Dawuda ya a lɔn wo le ma ko Mari ara ale le ma Isirɛla mɔgɛnuna mansɛ la, ado a lara a la fanan ko Alla si ala nyamanɛ wo lata yarɔ ka a tɛgɛ Isirɛla mɔgɛnuna ko ma.

2 Samuwɛli 5:12 Iomraidhean Croise

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

2 Samuwɛli 5:13

Mansa Dawuda bɔɛ Hiburɔn soe burɔ ka ta a sigi Yerusalɛm soe burɔ, a ya musu-siyaman furu. Wo kɔma, a ya fɛ-sigi-musi donu bi. Wonu fanan ya dan donu sɔrɔn a ye tun.

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

1 Mansɛnu 10:9

Tantolɛ ni kɛ ita Mari Alla ma. Ile ara Alla hɛnɛ min kɛ, woletɔ ale ara ile ma mansɛ la Isirɛla mɔgɛnu kun na. Isirɛla mɔgɛnu keninɛ Mari bolo min kɛ tolon, woletɔ a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

1 Ko-Kɔrɔta-Karan 14:2

Mansa Dawuda ya a lɔn ko Mari ara ale ma Isirɛla mɔgɛnuna mansa-makawanɛ la, ado a lara a la fanan ko Alla si ala nyamanɛ wo lata yarɔ ka a tɛgɛ Isirɛla mɔgɛnuna ko ma.

2 Ko-Kɔrɔta-Karan 2:11

Kilayɛ wo ke, Mansa Hairam ya kilayɛ wo kɔfili Mansa Silamɛni ma. A ko, “Mari ya ile ma mansɛ la bawo ata mɔgɛnu di a ye.

Ɛsita 4:14

Kɔnɔ ni a siginɛ tora a la i bolo kaka, dɛnbɛnɛ si bɔ Alla bolo kan tinɛ do rɔ ka Yahudiyanu kunyɛ bɔ a rɔ kɔnɔ wolebɛ i kebila-kunyɛ si to-a-rɔ dogbe! Tumado, i mara mansɛla musi la kɛ lela ko la. Mɔgɔ ma a lɔn.”

Daniyɛli 2:30

Alla ara ko-dogonnɛ wo le yira nde fanan na. Ka a fɔ ko a ya wo yira n na bawo n hɛnkili kolo mɔgɔ-damatɛ ko, wo ma de! A ya a yira n na le alako ma tigi ni ala kiyo anubɛ a kɔrɛ anubɛ a miriyanu lɔn.

Yilan-Yilan Koe 24:7

Anu si yiri ka siyaya. Anu kegeyɛnu si taran nyamani-siyaman tɔ. Anuna mansɛ si fanka sɔrɔn ka tenbi Amalɛki Mansɛ Ekagi la. Ata mansaya-sɛnbɛ si koloya ka ke kan-tina-siyaman tɔ.