2 Samuwɛli 5:11 - ALLALA KUMƐ

¹¹ Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

2 Samuwɛli 5:11 Iomraidhean Croise

2 Samuwɛli 5:12

Mansa Dawuda ya a lɔn wo le ma ko Mari ara ale le ma Isirɛla mɔgɛnuna mansɛ la, ado a lara a la fanan ko Alla si ala nyamanɛ wo lata yarɔ ka a tɛgɛ Isirɛla mɔgɛnuna ko ma.

2 Samuwɛli 7:1

Mari ban Mansa Dawuda latankala a yoge bɛɛ ma, mansɛ niyi-labilanɛ tora siginɛ ala bon-kurɛ la.

2 Samuwɛli 7:2

Mansa Dawuda ya a fɔ Nɛbi Netan ye ko, “Nde siginɛ bon-hakikɛ min nadannɛ sida kɔlɔma la kɔnɔ Marita tɔn-kenkirɛ wo siginɛ fani-bɔn la.”

1 Mansɛnu 5:15

Mɔgɔ waga bi-segin (80,000) bi Mansa Silamɛni bolo minnu bi kurinu lɛsɛla kɔnkɛnu kuma. Mɔgɔ waga bi-wɔrɔnfila (70,000) ye nyɔ ka kuri wonu maduni.

1 Mansɛnu 5:18

Woletɔ Mansa Silamɛnita wɔli-kɛlɛnu anubɛ Mansa Hairamta wɔli-kɛlɛnu, wonubɛ Kibali sigisɔn-mɔgɛnu ya kuri anubɛ kɔlɔmanu nadɛn Bato-Bɔn wo sɔ-koe rɔ.

1 Ko-Kɔrɔta-Karan 14:1

Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Yaburi 30:1

Mari, n si i tanto bawo i wara n nakisi. I ya a ma, n yogenu ma yɛlɛn n ma.

Isikiyɛli 26:2

“Ile hadama-dan, Taya so-burɔ-mɔgɛnu bi anu diyala-a-la ko Yerusalɛm ara tinya pɔ! Anu bi a fɔla ko Isirɛla nyamanɛ min mara duninya bɛɛ yilaya-dɛ la nun, wo ara tinya. Anu ko anu denu si Isirɛla gbɛ bi gbɛ!

Yasowa 19:29

Ka bɔ Saidon, dan wo le tara Rema soe ka ta ke ha Taya soe ma. A tara Hosa soe wara la ka ta a labila kɔgɔ-yi ma Akisibu soe da kɔrɔ.