2 Samuwɛli 4:8 - ALLALA KUMƐ

⁸ Wo wulun sɔgɔma, anu kera Hiburɔn soe burɔ. Anu ya a kunyɛ yira Dawuda la. Anu ko, “I yoge Mansa Sɔli min bi i faga-koe rɔ nun, wola den Mansa Isibosɛti kunyɛ le kɛ la. Mari ara sɔn i tayili-sara-koe ma Sɔli anubɛ a bɔnsɔnnu na bi.”

2 Samuwɛli 4:8 Iomraidhean Croise

2 Samuwɛli 18:19

Sedokila den Ahimahasi ya a fɔ Yohabu ye ko, “A ma, n ni n buri tala ka kuma-nyimɛ kɛ fɔ mansɛ ye ko Mari ara a lakisi a yogenu ma.”

2 Samuwɛli 18:31

A ma mɛ, Itiyopiya kɛ wo fanan kera mansɛ ma. A ko, “N tigi, kuma-nyimɛ ye n bolo n bi min fɔla i ye. Mɔgɛ minnu bara murutiya i ma, Mari ara a ma, i wara nɔ-ko sɔrɔn wonu ma bi.”

2 Samuwɛli 2:8

Mansa Sɔlila kɛlɛ-den-kun-tigi, Nɛrila den Abina, wo ya a buri Mansa Sɔlila dan do la a bolo min tɔgɛ Isibosɛti. Anu tara Yorodan bɛ kɔgɔma ka ta anu sigi Mahanayim soe burɔ.

2 Samuwɛli 22:48

Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

Yaburi 71:24

Telen-gbɛn, n bi ila telenbagayɛ rakaranna bawo minnu bi ko-yogomɛ sigila n ma, i wara wonu nabui kɔndɔfili rɔ yarabiyi bolo.

Matiyu 2:20

A ko, “I lasɔ. I ni dennɛ anubɛ a na bi. I ni sɛgi anu na Isirɛla nyamanɛ rɔ bawo minnu ya anu taya dennɛ kɛ faga-koe ma, wonu bara tenbi.”

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

1 Samuwɛli 18:11

Mansa Sɔli ya a miri a yisi rɔ ko a si Dawuda gbangban dandan ma ala tanbɛ wo la. A ya tanbɛ lakɛ Dawuda ma iko fila kɔnɔ hali wo, Dawuda ya a bɔ wonu kɔrɔ.

1 Samuwɛli 19:1

Wo kɔma, Mansa Sɔli ya a fɔ ala mɔgɔ-banu anubɛ ala den Yonatan ye ko Dawuda faga-sɔgɛ ye a la. Kɔnɔ Dawuda di Yonatan ye dɔgɔma-ma-de!

1 Samuwɛli 19:15

Anu tara wo fɔ Mansa Sɔli ye tumɛ min, Mansa Sɔli ya a fɔ wonu ye ko, “Wo ta. Wo ni a yen wo nyɛrɛ yɛ la. Wo kɔma, wo si anubɛ ala sofa bi. Wo ni na anu na n ma, n ni a faga.”

1 Samuwɛli 20:1

Rema soe tɔnkɔn do min tɔgɛ Neyɔti, Dawuda bɔra nyɔ. A tara Yonatan warɛ. A ke nyɔ, a ya a manyinika ko, “N ya nfen ma? N bara nfen ko-sufa tinya? N bara nfen ko-yogoma ma i fa la min bi a tola n faga-sɔgɛ ye a la?”

1 Samuwɛli 23:15

Dawuda ya a lɔn ko Mansa Sɔli ye a kan ma a faga-koe rɔ. Yonatan ya Dawuda taran wulɛ kan tinɛ do rɔ min tɔgɛ Hɔrɛsi-Sifi wulɛ rɔ. A ya a yisi-sa-kumɛnu fɔ ka a makawandi ko Alla si a latanka.

1 Samuwɛli 24:4

Dawudala keminɛ wonu ya a fɔ a ye ko, “Mari ara fɛrɛ-bɛrɛbɛrɛ le di i ma kɛ la iko a ya a fɔ i ye nya min nun ko a si i yoge don i bolo. Ko-wo-ko diyara i ye gbɛ, i si wo sigi le a ma.” Dawuda tara dɔidɔi ka Mansa Sɔlila duruku-ba wo do tɛgɛ a la. Kɔnɔ Mansa Sɔli ma ko lɔn wo rɔ.

1 Samuwɛli 25:29

Ni a sɔgɛ ye mɔgɔ-wo-mɔgɔ la ka i faga, ita Mari Alla si i tanka wo masibɛ ma iko mɔgɔ si ala nɔnfuli kandan nya min. Mari si i yogenu nakɛ a rɔ iko lenfiran-kuri.