2 Samuwɛli 4:5 - ALLALA KUMƐ

⁵ Rekabu anubɛ Beyana ya a lamɔɛn tumɛ min ko Abina ara faga, anu ya anu nasɔ ka ta Mansa Isibosɛti taran ala bɔn la. Anu kera a warɛ tele-latelen-wati, anu ya a taran, a sanɛ. A ye a niyi madɛnna.

2 Samuwɛli 4:5 Iomraidhean Croise

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

2 Samuwɛli 2:8

Mansa Sɔlila kɛlɛ-den-kun-tigi, Nɛrila den Abina, wo ya a buri Mansa Sɔlila dan do la a bolo min tɔgɛ Isibosɛti. Anu tara Yorodan bɛ kɔgɔma ka ta anu sigi Mahanayim soe burɔ.

1 Mansɛnu 16:9

Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

2 Ko-Kɔrɔta-Karan 24:25

A tanban boloko-yogomɛ-kɛra kɛlɛ rɔ. Anu yoge wonu bi sɛgila tumɛ min, ala mɔgɔ-ba fila ya yanfɛ don Mansa Yohasi ma. Anu ya a faga ala sa-fan rɔ. Anu ya Yɛhoyadala den Saraka-Masɔla Sakaraya tayili sara a la. Anu ya a togon Mansa Dawuda halala-luyi ma kɔnɔ mansɛ doinu dafɛ ma de!

2 Ko-Kɔrɔta-Karan 25:27

Kebi a murutiyara Mari ma, mɔgɛnu ya yanfɛ don a ma Yerusalɛm soe burɔ alako anu ni ale Mansa Hamasa faga. Woletɔ a ya a buri ka ta Lesi soe burɔ kɔnɔ hali wo, a kunyɛ ma bɔ a rɔ. Anu ya a sagaran ka ta a faga nyɔ.

2 Ko-Kɔrɔta-Karan 33:24

Ale Amɔnna mɔgɔ-banu ya yanfɛ rabɛn a ma ka a faga ala bolɔn la.