2 Samuwɛli 3:9 - ALLALA KUMƐ

^9-10 Mari le ya lanyiri kɛ kiri ko fɔ a wa mansayɛ bi i fala bɔn la ka a di Dawuda ma. A ko a si nyamani filɛ kɛ tonko nanɛ don a bolo, Isirɛla anubɛ Yuda, kɔni. Ni wo ma ma n bolo tonyɛ la, alamɛ Alla ya n gbesi a rɔ.”

2 Samuwɛli 3:9 Iomraidhean Croise

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 19:14

Mansɛla kumɛ wo ya a diya don Yuda mɔgɛnu tɔ. Anu lara a la feu! Anu ya kilayɛ lata ka Mansa Dawuda anubɛ ala mɔgɔ-banu makele.

2 Samuwɛli 3:35

Telen-gbɛn, mɔgɛnu bi Dawuda madiyala fen-dɔn-koe rɔ kɔnɔ ale Dawuda ko, “Ni n ya dɔn-fan bila n dɛ rɔ bi, alamɛ Alla ya n gbesi a rɔ. N ni faga.”

1 Mansɛnu 19:2

Yɛsɛbɛli wo ya a sara Nɛbi Ilaya wara ka a fɔ a ye ko, “Kɛ nyɔgɔn tumɛ sina, ni n ti a ma i la iko i wara a ma nna nɛbinu na nya min, alamɛ nna bɛsɛnu ya n gbesi a rɔ.”

1 Mansɛnu 2:23

Wo le ya a ma, Mansa Silamɛni ya a keli Mari Alla rɔ ko, “Ni n ma Adonaya faga nyinikalɛ kɛla ko la, alamɛ Mari ya n gbesi a rɔ.

1 Ko-Kɔrɔta-Karan 12:23

Dawuda ye Hiburɔn soe burɔ wati min, kɛlɛ-den-kɔrɛ donu nara kofu Dawuda ma nyɔ ka a sigi mansayɛ la Mansa Sɔli gbɛ rɔ iko Mari ya a fɔ nya min.

Ruti 1:17

I wa faga kan min, nde fanan si faga nyɔ. Anu si n togon nyɔ le. Ni nde, Ruti ma to i fɛ, alamɛ Mari ya n tɔrɔya-yogomɛ-kɛ. Fɔ sayɛ, wo le si ma fara.”

1 Samuwɛli 14:44

Mansa Sɔli ya a fɔ ko, “Yonatan, ni ile ma faga, alamɛ Alla ya n tɔrɔ.”

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.

1 Samuwɛli 25:22

Yanni bandɛ ni ka sina, ni n ti Nebali anubɛ ala keminɛ damasi faga, alamɛ Alla ya n faga.”

1 Samuwɛli 28:17

Mari ara min bɛɛsi fɔ n ye nun, n bara wonu fɔ i ye, ado Mari ara ban wonu mala. A ara mansayɛ bɔ i bolo ka a di Dawuda ma.

1 Samuwɛli 3:17

Ilayi ya a manyinika ko, “Mari ya nfen fɔ i ye? I kana ko-wo-ko dogon n ma. A ara koe min bɛɛsi fɔ i ye, ni i ma wonu fɔ n ye, Alla si i tɔrɔ bɛrɛbɛrɛ-wɛ-kɛ.”