2 Samuwɛli 3:29 - ALLALA KUMƐ

²⁹ Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Samuwɛli 3:29 Iomraidhean Croise

2 Samuwɛli 1:16

ado Dawuda ara a fɔ ale Amalɛki wo ye nun ko, “I nyɛrɛ le ya i nyɛrɛ faga bawo i ya a fɔ kuma rakaran tinɛ i ko, ile le nyɛrɛ-nyɛrɛ ya Marita mansa-yabɔnɛ wo faga.”

2 Samuwɛli 16:8

I wara Mansa Sɔlila nyamanɛ bi a bolo ka ala mɔgɔ-siyaman faga woletɔ Mari ye i tɔrɔla kɛ nya na ila mɔgɔ fagɛla ko la. Mari ara ila nyamanɛ di ila den Abasalɔm ma. I wara kasara pɔ, ile mɔgɔ-fagalɛ.”

2 Samuwɛli 3:28

Dawuda ya wo lamɔɛn tumɛ min, a ya a fɔ ko, “Mari nyɛrɛ ya a lɔn serr, ko mabɛ nna nyamanita-mɔgɛnu gba ma Abina faga-koe kɛ la.

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

Yaburi 7:17

N si baraka bira ile Mari ye ka a tɛgɛ ila telenbagayɛla ko ma. Ile Mari min bi fan bɛɛ kun na, n bi matɔgɔ-bɛti bɔla ile ye.

Bɔ-Koe-Iyipiti 21:19

ni a ya a lasɔ ka kɔlɔma sɔ a kɔrɔ ka tagama, min ya a gbesi wo la, wo si wo boloka. Kɔnɔ a ni a dandan ha a ni kɛndɛya. Wati min bara tinya wo bolo ka yɛ, a si wo sara wati wola ko la.

Saraka-Masɔlɛnuta Tɔnnu 15:2

Isirɛla mɔgɛnuna ko la. Mari ko, “Ni kei dola kirayɛ bɔra a yatelenmɛ ma, kiraya-yi wo sɛninyani ma iko tɔn ya a fɔ nya min.

Yilan-Yilan Koe 35:33

“Ni mɔgɛ do ya mara-koe tɛgɛ, a ni yele do labɔ mɔgɛ ma ha mɔgɛ wo ni faga, mɔgɛ wo yele si nyamanɛ wo latinya. Wo dugi ma ti ku fɔ mɔgɛ min ya fagalɛ kɛ ka yele labɔ, wo fanan yele ni bɔ ka faga le serr!

Kɛwɔlɛnu 28:4

Nyɔ-dugurannu ya fɔnfɔnɛ dunnɛ yen Pɔli bole la. Anu ya a fɔ anu nyɔgɔn ye ko, “Mɔgɔ-fagalɛ le kei kɛ la feu! Nba, hali a ara kisi kɔgɔ-yi ma kɔnɔ bɛsɛ min bi ko-latelennɛ kun na, wo ti sɔn a ni beli.”

Tɔn-Fɔɛ-Fila-Nyɔgɛ 21:6

Furi dafɛ-so-burɔ-mɔgɔ-ba wonu si anu bole laku ninki-suyi wo kuma.

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”