2 Samuwɛli 3:27 - ALLALA KUMƐ

²⁷ Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Samuwɛli 3:27 Iomraidhean Croise

2 Samuwɛli 13:26

Wo kɔma, Abasalɔm ya a fɔ a ye ko, “Nba, n fa, ni ile ma ta, i ti a ma, ila den Aminɔ ni bila ma fɛ?” A fa ya a fɔ a ye ko, “Nfenna ale ye tala?”

2 Samuwɛli 19:13

Mansa Dawuda ya a fɔ anu ye tun ko anu ni a fɔ Amasa ye ko, “N na-kelen-nyɔgɔ-bɛrɛbɛrɛ le ale la. Woletɔ ka a dabira bi ma, n bara ale ma nna kɛlɛ-den-kunyɛ la Yohabu gbɛ rɔ. Ni n ma a ma wo nya, alamɛ Mari ya n gbesi a rɔ.”

2 Samuwɛli 3:26

Yohabu bɔra a dafɛ. A ya Abina kelelɛnu nata. Wonu ya Abina taran Sirala kɔlɔn dafɛ. Anu nara a la kɔnɔ Dawuda ma kala sɔrɔn wo ma.

2 Samuwɛli 3:28

Dawuda ya wo lamɔɛn tumɛ min, a ya a fɔ ko, “Mari nyɛrɛ ya a lɔn serr, ko mabɛ nna nyamanita-mɔgɛnu gba ma Abina faga-koe kɛ la.

2 Samuwɛli 4:1

Mansa Sɔlila den Yonatan ya dan do to a kɔma nun, wo tɔgɛ le Mɛfibasɛti. Dan kɛ san loli nyɔgɛ ma, anu ya Yonatan anubɛ a fa Sɔli faga wo le ma. Musi min bi Yonatanna dan makolola, a ya a lamɔɛn wo bolo ko Yonatan anubɛ Mansa Sɔli kunyɛ ara to kɛlɛ rɔ Yɛsɛreli lɛɛ rɔ, wo ya a buri dan wo la a bolo. Kɔnɔ bawo a ye a latiriyala tala, dan wo buira a bolo kilɛ la. Dan wo mara namarɛ la. Sɔlila den Mansa Isibosɛti ya a lamɔɛn min kɛ ko Abina ara faga Hiburɔn soe burɔ, a kilanta dɔgɔma-ma-de! Isirɛla mɔgɛ bɛɛsi kawara wola ko la. Kɛlɛ kun-tigi fila ye Mansa Isibosɛti bolo nun wo wati rɔ. Wonubɛ anuna kɛlɛ-dannu kɛnɛna tala buila mɔgɛnu ma ka anu bolo-fannu bi anu bolo. Kun-tigi wonu tɔgɛ le Beyana anubɛ Rekabu. Anu fa tɔgɛ le Rimɔn. Anu siginɛ Bɛroti soe le burɔ min bi Bɛnyamɛ bɔnsɔn nyamanɛ rɔ. Bɛnyamɛ kɛ kɛnu ya Bɛroti soe kɛ bi min kɛ, mɔgɛ minnu siginɛ Bɛroti soe burɔ nun, wonu ya anu buri ka ta anu sigi Kita soe burɔ. Ha bi, anu siginɛ nyɔ le.

1 Mansɛnu 2:32

Mari si dunɛ wo sigi Yohabu kuma bawo a ya mɔgɔ-telenni fila faga, Nɛrila den Abina anubɛ Yɛtala den Amasa, kɔni. (Isirɛla mɔgɛnuna kɛlɛ-den-kunyɛ le Abina kɛ la nun. Yudala mɔgɛnuna kɛlɛ-den-kunyɛ le Amasa kɛ la nun.) N fa ma ko lɔn kɛnu faga-koe rɔ, ado mɔgɔ filɛ kɛnu fisa Yohabu ko.

1 Mansɛnu 2:5

“Sɛruya Yohabu ara min ma n na, i ni i yili to wo ko. A ya nna kɛlɛ-den-kun fila faga yisi-kima-wati le tɔ, Nɛrila den Abina anubɛ Yɛtala den Amasa, kɔni. Wonu bara mɔgɔ-fagɛ kɛ nun kɛlɛ rɔ kɔnɔ ale Yohabu ya a tayili sara anu na wola ko la ka anu denu faga yisi-kima-wati le tɔ. A ara mɔgɔ filɛ minnu faga kɛ la, wonu ma ko tinya. Kaka, wonu dunɛ ara to nde kuma. N yisi tɔrɔnɛ wola ko la.

1 Ko-Kɔrɔta-Karan 27:21

Sakarayala den Ido ye Manasa bɔnsɔn-talɛ kun na tele-bɔɛ wara la. Abinala den Yeyasiyɛli ye Bɛnyamɛ bɔnsɔn kun na.

Hɛnkilimaya-Kumɛnu 26:26

A si a sɔn-yogomɛ dogon yanfanteyɛ la kɔnɔ tɔ-a-la, mɔgɛ bɛɛ si a lɔn a sɔn-yogomɛ wo fɛ.

Yɛrɛmaya 41:2

Sumanyila anubɛ ala mɔgɔ tan wonu ya anuna faannu sagan a lɛɛ rɔ ka ale Kɛdalaya faga nyɔ. Babilɔn mansɛ ya ale Kɛdalaya wo ma kun-tigi la Yuda nyamanɛ kun na nyɔ nun.

Yilan-Yilan Koe 35:19

Furi wo na-kelen-nyɔgɔ-bɛrɛbɛrɛ si a lasɔ kumɛ wo la ka a na-kelen-nyɔgɛ tayili sara. Ni a ya mɔgɛ wo lasɔrɔn, ale fanan si wo faga.

Yilan-Yilan Koe 35:20

“Ni mɔgɛ bɛɛsi ya a lɔn ko mɔgɔla gboyanayɛ ye mɔgɛ do rɔ, wonubɛ wo tigi ni kɛlɛ, a ni faga mɔgɛ wo bolo, anu si a yiliki. Ni a ya a latosokoro bawo a ara a kɔnkɔn a ma nun, ka, ni a ya fan do lakɛ a ma, ka, ni a ya a bole lagbu ka a tugu wo la, anu si wo tigi yiliki. Furi wo na-kelen-nyɔgɔ-bɛrɛbɛrɛ si a lasɔ kumɛ wo la ka a na-kelen-nyɔgɛ tayili sara. Ni a ya mɔgɛ wo lasɔrɔn, ale fanan si wo faga.

Tɔn-Fɔɛ-Fila-Nyɔgɛ 27:24

“ ‘Alamɛ Allata dankɛ taranta wo mɔgɛnu kuma minnu si mɔgɛnu faga hali dogɔn rɔ.’ “Anu si a labira ko, ‘Amina.’