2 Samuwɛli 3:25 - ALLALA KUMƐ

²⁵ Ile ma a lɔn ko a nara i yanfa tinɛ le wo la? A ye i ta tinɛ anubɛ i ko-ladan-bole le lɔn-koe rɔ. Ha bi, ile ma wo lɔn?”

2 Samuwɛli 3:25 Iomraidhean Croise

Ko-Dabirɛnu 42:12

Yusufu ya a fɔ anu ye ko, “Wo ye foninyɛ le la. Wole nara le ka mala nyamanɛ kɛ da masa tinɛ lɔn, yɔ!”

Ko-Dabirɛnu 42:9

Yusufu ya kiyo minnu sa anuna ko la, a ya a hɛnkili lamiri wonu ma. A ya a fɔ a kɔrɔnu ye ko, “Wole ma na dɔn-fen san tina. Wole nara ko-lakɔrɔsi tinɛ le. Wole nara alako wo ni mala nyamanɛ da masa tinɛ lɔn.”

2 Samuwɛli 10:3

Amon mɔgɔ-banu ya a fɔ Mansa Henɔn ye ko, “Ile lara a la ko Mansa Dawuda ya mɔgɛ kɛnu nana i fa saya-kɔndɔli-kɛ tinɛ le? Kɛnu ma na wo la. Anu nara mala soe lakɔrɔsi tinɛ le alako anu si fɛrɛ sɔrɔn nya min ka ma nɔ.”

2 Samuwɛli 3:24

Yohabu tara a fɔ mansɛ ye a ko, “I wara nfen ma kɛ la? Abina ni na, i ya a boloka nfenna? A ni ta a warɛ wo nya fufafu?

2 Samuwɛli 3:26

Yohabu bɔra a dafɛ. A ya Abina kelelɛnu nata. Wonu ya Abina taran Sirala kɔlɔn dafɛ. Anu nara a la kɔnɔ Dawuda ma kala sɔrɔn wo ma.

2 Samuwɛli 3:27

Abina ke soe tarɛ dɛ ma, Yohabu ya a bi. Anu ya anu mata doni. Yohabu ya a nyɛrɛ ma iko a ye gbundu-kumɛ do le fɔla a ye. A ya Abina buyi punsɔgɔ. A ya Abina faga bawo wo le fɔlɔn ya ale dɔgɛ Asahɛli faga.

2 Mansɛnu 18:32

ha a ni wo bi yan ka ta wo la ata nyamanɛ rɔ min bi iko wotɛ kɛ. Wo ye tala ata nyamanɛ min tɔ wo la, wo si nɔnbɔ-gbɔ-yi sɔrɔn nyɔ, wo si nyɔɛ sɔrɔn nyɔ ka wo ma biredi la. Wo si liyi anubɛ ɔlifi-gbɔɛnu sɔrɔn nyɔ fanan. Ni wo ya mata mansɛ kɛta kumɛ to a gbɛ rɔ, wo ti faga. A ko wo kana a ma, wola mansɛ kɛ ni wo mayuwaya ka wo miri ko Mari si wo kisi le iko wola mansɛ ya a fɔ nya min.

Yaburi 121:8

Ma tenbi ta-ni-sɛgi kɛla, Mari si ma lakanan burubukai!

Aiseya 37:28

“Mari ko a ya Sɛnakaribu wara-koe bɛɛ lɔn, ado a ko a ya a don-woe anubɛ a bɔ-woe lɔn. Mari ko a ya a lɔn Sɛnakaribu ye diminyala a ma nya min.

Yilan-Yilan Koe 27:17

Isirɛla mɔgɛ kɛnu kana ma iko sagɛ minnu kandanna sa.”

Yɔni 7:12

Nyama wo ye sɔsɔli sala anu nyɔgɔn tɛma wɛwɛ-kumɛ rɔ. Donu ko, “Mɔgɔ-nyimɛ le.” Donu ko, “Ade, yanfante le dɔrɔn.”

Yɔni 7:47

Farisinu ya anu manyinika ko, “A ya wole fanan mayuwaya, nyɛ?

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Tɔn-Fɔɛ-Fila-Nyɔgɛ 28:6

“Wo tara kan-bo-kan hali tagama-kilɛ ma, wo ye Marita duwɛ kɔrɔ.